Trafikonin emigrantë/ Apeli i Posaçëm rrëzon ankimin e 19 të arrestuarve, lë në fuqi vendimin e GJKKO

Gjykata

TIRANË - Apeli i Posaçëm ka rrëzuar ankimin e 19 personave të arrestuar, të cilët dyshohet se janë pjesë e një grupi kriminal që transportonte emigrantë të paligjshëm. Disa prej të akuzuarve janë Arben Domi, Arnol Shpata, Artur Mata, Altin Hasani, Antonio Specchio dhe Arba Hysenllari. Ata kërkuan ndryshimin e masës së vendosur nga Gjykata e Posaçme Antikorrupsion, por Apeli i Posaçëm ka rrëzuar ankimin.

Njoftimi i Gjykatës:

"Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Iliriana Olldashi, sot më 31.05.2024, shpalli vendimin mbi çështjen penale nr. 20 akti, datë 22.05.2024 regjistrimi, mbi ankimet e personit nën hetim A.H., T.P., A.M., A.D., I.A., E.I., B.M., A.H., A.S., Sh.M., A.Sh., Xh.Ç., Xh.K., L.S., E.S., E.B., L.T., E.H., E.D., me objekt: “Ankim ndaj vendimit nr. 37, datë 10.04.2024, verifikuar me vendimin nr. 39, datë 14.04.2024 të Gjykatës së Posaçme të Shkallës së Parë për Korrupsionin dhe Krimin e Organizuar”, disponuar në lëndë të masave të sigurimit personal, dhe vendosi:

Miratimin e vendimit nr. 37, datë 10.04.2024 të Gjykatës së Posaçme të Shkallës së Parë për Korrupsionin dhe Krimin e Organizuar, verifikuar me vendimin nr. 39, datë 14.04.2024 të së njëjtës gjykatë, për sa ka disponuar për ankuesit A.H., T.P., A.M., A.D., I.A., E.I., B.M., A.H., A.S., Sh.M., A.Sh., Xh.Ç., Xh.K., L.S., E.S., E.B., L.T., E.H., E.D", njofton gjykata. 

gjkko ankimim