Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
AKTUALITET
Tubacioni i çarë rrezikonte kalimtarët, banorët e rregullojnë vetë, UKT “fle” gjumë
PiranjatPërditësimi i fundit 9 Nëntor 2025, 12:58
Banorët e një pallati tek ish-Rozafa, përballë Triss, kanë ngritur shqetësimin për një tub uji të carë i cili çdo dit rrezikonte jetën e tyre. Ata tregojnë se kanë telefonuar disa herë shërbimin e ujësjellës-kanalizimeve në Tiranë, por nuk kanë marr asnjë përgjigje.
Sipas banorëve situata ishte emergjente dhe nuk morën një zgjidhje nga autoritetet. Banorët vendosën të rregullonin vetë problemin për shkak të mungesës së reagimit nga UKT e Skerdi Drenovës.
Ky është një ndër shumë rastet kur shteti mbyll sytë përball problemeve të qytetarëve të cilët kërkojnë ndihmë, por nuk marrin minimumi as përgjigje.
Mesazhi i banorëve:
Përshëndetje! Ju lutem bëjeni publike këtë video, që ta shohë edhe Kryeministri si funksionon ky shtet, sepse në terren nuk funksionon asgjë! Kam telefonuar shërbimin e ujësjellës-kanalizimeve në Tiranë që dje mbi 10 herë dhe edhe sot po ashtu, por nuk ka pasur asnjë reagim. Asnjë njeri nuk ka ardhur! Është çarë tubi i ujit në pallat, dhe uji po shkonte drejt tavaneve dhe kabllove të energjisë elektrike, duke krijuar rrezik serioz për jetën. Për momentin, e kemi përkujdesur situatën sa kemi mundur për të shmangur ndonjë tragjedi. Kjo ndodh përballë Triss, pallati ish Rozafa, hyrja nga brenda. Ky shtet nuk funksionon: njerëzit telefonojnë për ndihmë dhe mbeten vetëm! Ju lutem, bëjeni publike këtë rast, sepse ndoshta dikush do të reagojë vetëm kur të ndodhë ndonjë fatkeqësi. E rregulluam me privat sepse UKT nuk funksionon.
