Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
AKTUALITET
U kap duke dalë nga banesa ku kishte hyrë për të vjedhur, arrestohet 40-vjeçari në Kavajë
S.BPërditësimi i fundit 2 Shtator 2024, 14:59
KAVAJË- Një 40-vjeçar është arrestuar ditën e sotme në Kavajë. Mësohet se S.P 40 vjeç u kap në flagrancë duke dalë nga shtëpia ku kishte hyrë për të vjedhur dhe tentoi të largohej.
Gjatë kontrollit fizik, policia i ka gjetur dhe sekuestruar 40-vjeçarit një thikë. Ndaj tij rëndon akuza për veprat penale "Dhunimi i banesës", "Vjedhja”, mbetur në tentativë” dhe “Prodhimi dhe mbajtja pa leje e armëve të ftohta".
Njoftimi i Policisë:
U kap në flagrancë duke dalë nga banesa ku kishte hyrë për të vjedhur, pasi konstatoi shërbimet e Policisë, arrestohet 40-vjeçari.
Sekuestrohet një mjet prerës (thikë), që iu gjet 40-vjeçarit, gjatë kontrollit fizik.
Shërbimet e Komisariatit të Policisë Kavajë, menjëherë pas njoftimit se një shtetas ishte futur për të vjedhur në një banesë në lagjen nr. 3, kanë organizuar punën dhe kanë shkuar në këtë adresë. Si rezultat i veprimeve të shpejta, shërbimet e Policisë kanë kapur në flagrancë shtetasin S. P., 40 vjeç, banues në Kavajë, i cili sapo ka konstatuar mbërritjen e shërbimeve të Policisë, ka tentuar të largohet.
Gjatë kontrollit fizik, shërbimet e Policisë i kanë gjetur 40-vjeçarit, një mjet prerës (thikë).
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprat penale "Dhunimi i banesës", "Vjedhja”, mbetur në tentativë” dhe “Prodhimi dhe mbajtja pa leje e armëve të ftohta".
