Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
U kapën me një armë gjahu pa leje dhe rreth 10 kilogramë lëndë narkotike, arrestohen dy persona në aksin Nikël - Fushë Krujë
PiranjatPërditësimi i fundit 19 Tetor 2025, 11:35
Policia ka arrestuar dy persona gjatë një operacioni antidrogë të zhvilluar në aksin rrugor Nikël–Fushë-Krujë, i koduar “Aksi”.
Në pranga kanë rënë një 34 vjeçar, banues në Nikël, dhe një 43 vjeçar, banues në Fushë-Krujë.
Gjatë kontrollit të automjetit me të cilin udhëtonin të dy të dyshuarit, forcat e rendit sekuestruan rreth 10 kilogramë lëndë narkotike të dyshuar si kanabis, një armë gjahu pa leje dhe tre aparate celularë.
Njoftimi i policisë:
Finalizohet pas një pune të mirëorganizuar, nga Seksioni për Hetimin e Narkotikëve, operacioni policor i koduar “Aksi”.
Sekuestrohen 10 kilogramë lëndë e dyshuar narkotike cannabis sativa, 1 armë gjahu pa leje, 1 automjet dhe 3 aparate celulare.
Vihen në pranga 2 shtetas që u kapën në flagrancë, në aksin rrugor “Nikël–Fushë Krujë”, duke transportuar lëndën narkotike me qëllim shitjen.
Në vijim të punës për goditjen e veprimtarive kriminale në fushën e narkotikëve, bazuar në informacione të siguruara për një rast të transportimit dhe shitjes së lëndëve narkotike, Seksioni për Hetimin e Narkotikëve organizoi dhe finalizoi operacionin policor të koduar “Aksi”, në kuadër të të cilit u arrestuan në flagrancë shtetasit:
Sh. H., 34 vjeç, banues në Nikël dhe I. T., 43 vjeç, banues në Fushë-Krujë.
Gjatë ndërhyrjes nga shërbimet e Policisë, këta dy shtetas janë kapur në flagrancë duke transportuar me automjet tip “Wolswagen”, 2 thasë me lëndë të dyshuar cannabis sativa, me peshë totale 10 kilogramë.
Më tej, gjatë kontrollit të banesës së 34-vjeçar iu gjet një armë gjahu, pa leje, e cila u sekuestrua në cilësinë e provës materiale bashkë me lëndën narkotike, automjetin dhe 3 celularë.
Materialet procedurale i kaluan Prokurorisë, për veprime të mëtejshme.
