Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
AKTUALITET
U ndaluan nga policia në aksin “Mamurras-Kashar”, gjenden 60 kg drogë në mjet, vihen në pranga dy persona
n.fPërditësimi i fundit 20 Maj 2025, 10:51
TIRANË- Dy persona janë vënë në pranga ditën e sotme në Tiranë nga policia. Mësohet se arrestimi i tyre ka ardhur pas kontrolleve të kryera në mjetin me të cilin po udhëtonin. Policia njofton se dy të arrestuarit të moshës 37 dhe 48 vjeç po udhëtonin me makinë në aksin Mamurras- Kashar.
Pas ndalimit të mjetit nga efektivët, është kryer kontroll në mjet ku u gjetën 59 pako me kanabis. Sipas policisë këto pako ishin 60 kilogram. Dyshohet se ata po e transportonin drogën me qëllim shitjen. Materialet procedurale iu referuan Prokurorisë së Tiranës, për veprime të mëtejshme.
DVP Tiranë/ Finalizohet operacioni i koduar “Interruption 3”, si rezultat i administrimit të shpejtë të informacioneve të siguruara nga inteligjenca policore. U kapën në flagrancë duke transportuar me automjet, 59 pako me lëndë të dyshuar narkotike Cannabis Sativa (rreth 60 kg), vihen në pranga 2 shtetas.
Sekuestrohen pakot me lëndë narkotike dhe automjeti. Në vijim të operacioneve të njëpasnjëshme për goditjen e veprimtarive kriminale në fushën e narkotikëve, Seksioni për Hetimin e Narkotikëve, në bashkëpunim me Seksionin e Forcës së Posaçme Operacionale, ka finalizuar një tjetër operacion për goditjen e tentativës për të shitur lëndë narkotike.
Si rezultat i operacionit të koduar “Interruption 3”, u arrestuan në flagrancë shtetasit E. T., 37 vjeç dhe B. Sh., 48 vjeç, të dy banues në Tiranë, për veprën penale “Prodhimi dhe shitja e narkotikëve”, kryer në bashkëpunim.
Gjatë operacionit, bazuar në informacionet e siguruara nga inteligjenca policore, shërbimet e Policisë kanë ndaluar në aksin rrugor “Mamurras-Kashar”, në Thumanë, një automjet me të cilin dyshohej se po transportohej lëndë narkotike.
Gjatë kontrollit në automjetin me drejtues shtetasin E. T. dhe pasagjer shtetasin B. Sh., shërbimet e Policisë kanë gjetur 59 pako me lëndë të dyshuar narkotike Cannabis Sativa, me peshë totale 60 kilogramë e 6 gramë, që dyshohet se po ata po e transportonin me qëllim shitjen. Materialet procedurale iu referuan Prokurorisë së Tiranës, për veprime të mëtejshme.
