Një aksident rrugor me pasoja është regjistruar mesditën e sotme, rreth orës 14:05, në afërsi të qytetit të Grams...
AKTUALITET
U tradhtuan nga bisedat e kriptuara në "SKY ECC", shkon në gjyq grupi shqiptaro-bullgar i kokainës në Belgjikë
e. dPërditësimi i fundit 22 Qershor 2024, 14:48
BELGJIKË- 10 persona të një grupi kriminal shqiptaro-bullgar do të përballen me 15 nëntor me gjykatën e Brukselit. Bëhet me dije se anëtarët e grupit të drogës janë arrestuar në shkurt të vitit 2023. Gjithashtu zyra e prokurorit publik Hal-Vilvoorde në vitin 2021 hapi një çështje në lidhje me një organizatë kriminale të përfshirë në trafikun ndërkombëtar të drogës bazuar në komunikimet e deshifruara nga shërbimi i mesazheve “SKY ECC”. Ndërkohë pas hetimeve, policia arriti të identifikojë një bandë shqiptaro-bullgare që vepronte nga Meise.
Siç raportohet trafikantët përdornin automjete të pajisura me ndarje sekrete për të transportuar drogën nga Holanda në Mbretërinë e Bashkuar pasi e ruanin në vende të ndryshme në Belgjikë. Ndërsa më 3 shkurt 2023, hetuesit arritën të kapnin dy transportues droge, në Aalst dhe Ypres. Atë ditë, dymbëdhjetë kontrolle u kryen gjithashtu në rrethin Halle-Vilvoorde në Meise, Grimbergen, Diegem dhe Wezembeek-Oppem, por edhe në Flanders Lindore në Saint-Nicolas, Evergem dhe Aalst si dhe në Bruksel në komunat Evere, Saint-Gilles, Auderghem,Woluwe-Saint-Pierre dhe Schaerbeek.
Po ashtu në pranga kanë rënë edhe 11 të dyshuar, ndërsa janë sekuestruar 12 armë, 40 kilogramë kokainë, 13 kilogramë heroinë, afro 100 mijë euro para kesh, makina për numërimin e parave dhe automjete të ndryshme. Nga 11 personat e arrestuar, 10 u sollën para gjyqtarit hetues, i cili liroi njërin me kushte dhe vendosi me urdhër arresti për 9 të tjerët. Këta nëntë persona u liruan më pas me kushte gjatë hetimit. Prandaj, të gjithë të pandehurit do të shfaqen të lirë.
