Një tjetër vatër zjarri është regjistruar gjatë natës në fushën e Lazaratit, pranë pompës së ujit....
AKTUALITET
U vu në pranga prej operacionit të SPAK "Revanshi", GJKKO lë në qeli "kokën" e grupit të Shijakut, Astrit Avdylajn
r.llPërditësimi i fundit 1 Korrik 2024, 12:56
astrit avdylaj
TIRANË- Gjykata e Posaçme Antikorrupsion ka lënë në burg kokën e grupit kriminal të Shijakut, Astrit Avdylajn. Arrestimi i tij u bë kuadër të operacionit të SPAK "Revanshi" ku u goditën disa grupe kriminale.
Avdylaj u vu në pranga në ambientet e shtëpisë së tij në Shijak. I njohur si "Niçja", Avdylaj së bashku me Arben Ndokën dhe Ervis Martinajn donin te vrisnin Durim Bamin. Ai dyshohet se ka ndihmuar të shumëkërkuarin Martinaj dhe ish-deputetin socialis Arben Ndokën, në sigurim të kushteve për vrasjen e Durim Bamit.
Komunikimet në aplikacionin “Sky” treguan se si Astrit Avdylaj mbante komunikime me Ndokën dhe ofrohet ta ndihmojë atë në planin për eleminimin fizik të Durim Bamit. Avdylaj i dërgon nipin e tij Aldo Avdylajn dhe Arben Mërkurin, Ndokës për të realizuar qëllimin.
Si u zbulua grupi i Shijakut?
Më 21 tetor 2018, Policia zhvilloi një operacion të koduar si “Volvo 4”, ku u arrestuan edhe dy ish-deputetët Arben Cuko dhe Ndoka. Gjithçka u zbulua nga hetimet e prokurorisë për vëllain e Arben Ndokës, Gjevi Ndoka, si i lidhur me Avdylajt e Shijakut, të cilët akuzohen për trafik droge dhe porositës të heroinës së laboratorit të Hasit. Ndërsa Arben Çuko u vendos në pranga krejt rastësisht, teksa në hetim dhe përgjim ishin pjesëtarët e një grupit të Shijakut. Në këto përgjime u ndanë dhe u krijua një tjetër dosje, në të cilën vëllezërit Avdylaj komunikonin me kryetarin e bashkisë Durrës, Vangjush Dako, dhe të tjerë zyrtarë të PS, ku diskutohej për rezultatin e PS në Durrës përgjatë vitit 2017. Përgjimet u botuan pranverën e këtij viti nga gazeta gjermane BILD. Ato shkaktuan një “tërmet” politik në Shqipëri që solli ‘djegien’ e Vangjush Dakos nga SHBA.
