E ftuar në emisionin ‘Kafe Shqeto’, avokatja Adriana Kalaja deklaroi se një pjesë e protestuesve kundër qeverisë së ...
AKTUALITET
"Ua tregoj unë", "Mondi" planifikonte të sulmonte shtëpinë e drejtorit të burgut të Janinës: Do dërgoj disa cuna nga Shqipëria! Do ta shkatërroj si familje
n.fPërditësimi i fundit 19 Dhjetor 2024, 12:04
Mondi
GREQI- Detaje të reja janë zbuluar nga dosja hetimore që çoi në arrestimin e 26 personave në Greqi, përfshirë kreun e grupit Edmond Perbasha. 44-vjeçari nga Mirdita akuzohet për trafik droge, shkatërrim prone me eksploziv si dhe rrahje. Pas raportimeve se ai drejtonte bandën nga burgu dhe ndiqte live dhunimet që ai urdhëronte, mësohet se “Mondi” kishte planifikuar të sulmonte drejtorin e burgut të Janinës.
Nga hetimet janë zbadhur bisedat e përgjuara ku flitet për Drejtorin e burgut të Janinës. 44-vjecari para se të transferohej në Diavata vuante dënimin në burgun e Janinës. "Mondi" mesa duket nuk i kishte marrëdhëniet e mira me drejtorin dhe dëshironte ti tregonte se kush ishte ai duke i dërguar në shtëpi disa çuna nga Shqipëria. Në bisedën e zbardhur 44-vjeçari shprehet se do ti shkatërrojë si familje.
“Do dërgoj disa cuna nga Shqipëria, do t’i çoni diku që do t’ju them, t’i … shtëpinë e tij. Çfarë ka e nuk ka, në mal të gjithë. Do ta shkatërroj si familje. Do vijnë nga komando nga Shqipëria, mos u shqetësoni. A duan të dinë se kush është P…? Ua tregoj unë,” u shpreh Përbasha.
“Mondi” dyshohet se ndiqte live në celularin e tij rrahjet brutale të personave që i kishin borxh. Gjithashtu ata që kishin probleme me grupin e tij, dërgoheshin në zona të shkreta në Ymitto dhe torturoheshin. Po ashtu ata rrahën njerëz për një shikim, dogjën biznese sipas kërkesës, shitën drogë brenda shkollave edhe kur mësimi ishte në proces. Nga operacioni i zhvilluar në Greqi janë arrestuar 26 persona, përfshirë drejtuesin e grupit dhe nipin e tij. Të gjithë janë shtetas shqiptarë e grekë.
Edmond Perbasha, 44 vjeç nga Mirdita
Klajvert Perbasha, 20 vjeç nga Mirdita
Mario Kojku, 20 vjeç nga Lushnja
Denhendri Kasemi, 22 vjeç
Amarildo Hajderasi, 27 vjeç
Evgjenia Lumani, 23 vjeç
Për të arritur qëllimet e tyre, organizata kriminale vepronte në dy nëngrupe, me strukturë dhe veprim të veçantë. Nëngrupi i parë përbënte "bërthamën e fortë" të organizatës, duke ndërmarrë si trafikun e lëndëve narkotike ashtu edhe kryerjen e krimeve të rënda që rezultonin në rrezik të konsiderueshëm për jetën e njerëzve dhe shkaktuan dëme të rënda materiale. Në nëngrupin e dytë, anëtarët e tij ishin më të ulët në hierarki dhe ishin aktivë ekskluzivisht dhe çdo ditë në shpërndarjen e lëndëve narkotike, në zona të ndryshme të Athinës Juglindore, konkretisht në Glyfada, Argyroupoli, Elliniko, Voula, Vouliagmeni, Vari, Alimo, Ilioupoli, Koropi, Lagonisi dhe Humnera.
Janë zbardhur disa ngjarje kriminale si sulmi me zjarr në një dyqan të kujdesit shëndetësor, në nëntor 2023 në Marusi, vendosje eksplozivi në qershor 2024 në hyrje të një pallati në Peristeri, rrëmbimi dhe shkaktimi i lëndimit trupor të një personi, në gusht 2024, për borxhin e tij monetar, kërcënime ndaj oficerëve të burgjeve, në gusht 2024, vendosja e eksplozivit në gusht 2024, në një dyqan me interes shëndetësor në Argyroupoli dhe tentativa e vrasjes me armë zjarri dhe thikë ndaj dy personave, në tetor 2024 në Nea Smyrni.
Nga kontrollet e kryera në kuadër të operacionit janë gjetur dhe sekuestruar Nga hetimet e kryera në kuadër të operacionit janë gjetur dhe sekuestruar rreth 155 mijë euro cash, 1 kg kokainë, 32.6 kg marijuanë, 50 pilula ekstazi, 640 gramë MDMA, 16 peshore 23 rende, 5 pistoleta dhe shtatë karikatorë pistolete, 2 armë ajrore me karikatorë, jelek antiplumb, karikator Kallashnikovi me 29 fishekë, rrip fishekësh, 17 thika, grusht hekuri, shufër metalike, 12 makina dhe 9 motoçikleta, një mori pako najloni, fishekzjarre dhe gjeneruesa tymi, anabolike, celularë dhe karta SIM, media të ndryshme të ruajtjes së të dhënave dixhitale, 3 orë dore me vlerë të lartë, laptop, 110 paund britanik, kapele policie dhe 13 bojë spray.
