Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
"Jam mafia shqiptare, kjo armë është për ty" – Shqiptari terrorizon ish-partneren
PiranjatPërditësimi i fundit 21 Tetor 2025, 10:25
Një 35-vjeçar shqiptar është arrestuar nga autoritetet italiane pas një serie kërcënimesh të rënda dhe aktesh përndjekjeje ndaj ish-partneres së tij, një gruaje rumune. Mesazhi shqetësues "Unë jam mafia shqiptare dhe kjo armë është për ty" i dërguar nga i riu, pas ndarjes së çiftit, ka vënë në lëvizje menjëherë autoritetet policore.
Gruaja kishte vendosur t’i japë fund lidhjes pasi kishte zbuluar se partneri i saj nuk ishte beqar, siç kishte pretenduar, por kishte grua dhe fëmijë. Pas ndarjes, ajo u përball me një sërë ngacmimesh dhe kërcënimesh, të cilat kulmuan të shtunën e kaluar, kur vendosi të denoncojë rastin në polici.
Pas kallëzimit, policia kreu një kontroll në banesën e shqiptarit, ku u gjetën mbi 30 gramë kokainë dhe një armë zjarri, e njëjta pistoletë që ai kishte shfaqur në një video dërguar viktimës. 35-vjeçari u arrestua për posedim droge me qëllim trafikimi, si dhe po hetohet për përndjekje dhe kërcënime.
Gruaja është vendosur nën mbrojtjen e protokollit të “Kodit të Kuq”, një masë emergjente që aplikohet në raste të dhunës me bazë gjinore, për të garantuar sigurinë e saj dhe ndalimin e çdo kontakti nga agresori. Hetimet vijojnë për të dokumentuar plotësisht veprimtarinë kriminale të të dyshuarit.
