Vdekja e Xhemal Metës në Zall-Bastar, reagon Policia, çfarë u zbulua nga ekzaminimi mjeko-ligjor

Foto ilustruese

TIRANë - Polica ka dalë me një reagim zyrtar lidhur me vdekjen e 81-vjeçarit, Xhemal Meta, në Zall-Bastar. Blutë bëjnë me dije se nga hetimet paraprake dhe nga ekzaminimi mjeko-ligjor ka rezultuar se i moshuari ka dëmtime në pjesën e pasme të kokës, të cilat dyshohet se janë shkaktuar nga goditje me sende të forta. 

Policia bën me dije se në lidhje me ngjarjen janë referuar materialet në Prokurori, për veprën penale “Vrasje me dashje”. Ndërkohë mësohet se deri më tani në lidhje me ngjarjen janë shoqëruar rreth 20 persona.

Njoftimi i policisë:

Në vijim të informacionit të dhënë me datë 13.01.2025, i cili bën fjalën për gjetjen pa shenja jete të shtetasit Xh.M, në oborrin e banesës së tij, në fshatin “Shëngjin i Vogël”, ju bëjmë me dije se:

Nga tërësia e veprimeve hetimore paraprake si dhe ekzaminimit mjeko-ligjor ka rezultuar se shtetasi Xh.M, ka dëmtime në pjesën e pasme të kokës, të dyshuara të shkaktuara nga goditje me sende të forta.

Paraprakisht, në lidhje me këtë ngjarje nga ana e DVP Tiranë, janë referuar materialet në Prokurori, për veprën penale “Vrasje me dashje” parashikuar nga neni 76 i kodit penal.

Vijon puna nën drejtimin e Prokurorisë, për dokumentimin e plotë ligjor dhe për përcaktimin rrethanave konkrete të ngjarjes dhe shkaqeve të humbjes se jetës së shtetasit Xh.M.

vrasje policia