Një ngjarje tragjike goditi familjen shqiptare Manati, me origjinë nga Lushnja, në Jacksonville të Floridës, ku tre fëmijë hu...
AKTUALITET
Vdiq sot pasi u qëllua me armë, mesazhet për një vajzë i sollën fundin tragjik 45-vjeçarit në Shijak
PiranjatPërditësimi i fundit 31 Janar 2026, 17:15
Një femër ka qenë shkaku i përplasjes mes të rinjve në Shijak, ku mbeti i plagosur rëndë Denis Cumani, ngjarje e ndodhur tri ditë më parë ndërsa 45-vjeçari ndërroi jetë këtë të shtunë.
Shtetasi Denis Cumani ka ngacmuar vajzën me të cilën dilte Dorian Ferra, një nga autorët e ngjarjes.
Teksa ky i fundit ndodhej në lokal me vajzën, asaj i vinin vazhdimisht SMS nga Denis Cumani dhe ajo, për të mos u konfliktuar djemtë, i fshinte mesazhet.
Pas insistimit për të mësuar se kush i shkruante të dashurës së tij, Dorian Ferra e mësoi se kush ishte personi që i shkruante. Ai mori si përforcim edhe kushëririn e tij, shtetasin Indrit Ferra, dhe shkuan te shtëpia e Denis Cumanit, ku e kanë goditur me grushte dhe shkelma, i kanë vënë pistoletën në kokë dhe më pas në brinjë. E kanë qëlluar një herë në brinjë, duke e lënë të plagosur.
Fillimisht, i dëmtuari është dërguar në spitalin e Durrësit dhe më pas, nga aty, me urgjencë drejt Spitalit të Traumës në Tiranë, në gjendje të rëndë shëndetësore. Pavarësisht trajtimit, pas tri ditësh ndërroi jetë.
Ndërkohë, dy kushërinjtë janë larguar nga vendi i ngjarjes dhe policia po punon për arrestimin e tyre.
