Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
AKTUALITET
Veliaj kërkesë GJKKO-së për përjashtimin e gjyqtares Etleva Deda nga çështja
PiranjatPërditësimi i fundit 4 Shkurt 2026, 16:44
Kryebashkiaku i Tiranës, Erion Veliaj, i cili ndodhet në arrest me burg që prej 10 shkurtit 2025, ka dorëzuar sot në Gjykatën e Posaçme Kundër Korrupsionit dhe Krimit të Organizuar një kërkesë për përjashtimin e gjyqtares Etleva Deda nga shqyrtimi i çështjes së tij.
Pretendimi për përjashtimin e gjyqtare ishte ngritur fillimisht në seancën e zhvilluar dy ditë më parë, ku Veliaj tha se gjyqtarja Etleva Deda nuk i dha te drejtën të mbrohej efektivisht. Avokatja Valentina Teodoresku u shpreh se taksia e priti vetëm një orë në IVEP Durrës, ndaj nuk pati më shumë kohë të njihej me aktet. Teodoresku kërkoi shtyrje të seancës, kërkesë e cila u rrëzua nga GJKKO.
Veliaj u arrestua me kërkesë të SPAK, në kuadër të hetimeve për korrupsion, pastrim parash, mosdeklarim të pasurisë, shpërdorim detyre dhe futje të sendeve të ndaluara në paraburgim. Ai i ka mohuar të gjitha akuzat, ndërsa procesi gjyqësor ndodhet ende në fazën paraprake.
Kërkesa e sotme do të shqyrtohet nga gjyqtari Bib Ndreca. Ky zhvillim vjen në një kohë kur Veliaj ka paraqitur edhe apelime të tjera për ndryshimin e masës së sigurisë, duke sfiduar vendimet e mëparshme të trupave gjyqësore që kanë vendosur për qëndrimin e tij në burg.
Çështja ndaj kryebashkiakut të Tiranës pritet të mbetet një nga proceset më të ndjekura në opinionin publik, duke qenë se përfshin akuza të rënda dhe përballje të vazhdueshme mes tij dhe institucioneve të drejtësisë.
