Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
AKTUALITET
Vëllai i Jan Prengës dëshmon në GJKKO/ "Më futën një telefon në qeli", Ndrek Prenga: Ma sill atë gjënë më thanë, pas kësaj mora vesh rrëmbimin e Janit
r.llPërditësimi i fundit 18 Tetor 2024, 12:38
jan prenga
TIRANË- Ditën e sotme, vëllai i Jan Prengës, i cili u rrëmbye dhe vra në janar të vitit 2020, ka dëshmuar në GJKKO ku rrëfyer detaje rreth telefonatave që mori kur ndodhej në burgun në Angli, nga një person që iu prezantua si Gentjan Funiqi. Ndrek Prenga ka rrëfyer se në vitin 2020 ishte në burg në Londër dhe se çdo ditë kishte kontakte me familjarët, gruan dhe fëmijët përmes telefonit të burgut. Përpara togave të zeza, ai u shpreh se me vëllain e tij ka folur rreth një javë përpara se të ndodhte ngjarja.
Një shtetas me ngjyrë i ka futur në dhomë një telefon të tipit “Iphone”, me anë të së cilës e ka telefonuar një person me prefiks të huaj, duke iu prezantuar si Gentjan Funiqi. Referuar dëshmisë së Prengës, Funiqi i është prezantuar si nga Dukagjini i Shkodrës, duke i thënë që të ia japë gjërat që i janë marrë duke nënkuptuar një sasi prej 260 kg kokaine.
Sipas Ndrek Prengës, Gentiani i kishte thënë se ka tentuar të lidhet edhe me të vëllanë Astritin, por nuk ka arritur. Ndrek Prenga, i është përgjigjur se nuk ishte ne dijeni se çfarë bëhet fjalë, por që t’i lejë pak kohë që ta zgjidhte. Pas kësaj Ndrek Prenga ka marrë në telefon Astritin, por dhe ky i fundit i është përgjigjur se nuk kishte dijeni se çfarë kishte ndodhur.
Pas 1 apo dy ditësh është njoftuar nga nusja, thotë Ndrek Prenga që Jani është marrë peng. Pas kësaj ai është përpjekur për të marrë bësh se çfarë ka ndodhur. Pas pak ditësh ai është vënë në dijeni se bëhet fjalë për një sasi prej 260 kg kokainë që ishin marrë në port, dhe gjatë komunikimeve që Ndrek Prenga kishte me Gentianin, ky i fundit i thotë që të dorëzojë atë gjënë, duke iu referuar sasisë me kokainë me qëllim për të liruar pengun.
Sipas dëshmisë së Ndrek Prengës, xhaxhi i tij dhe një person tjetër kanë shkuar në Shkodër për të takuar familjarët e Gentian Funiqi ku atje kanë gjetur babin e tij. Ky i fundit i është përgjigjur se nuk ka dijeni dhe përgjegjësi se çfarë bën djali i tij. Prenga shton se pas ndërprerjes së mesazheve me Gentianin për të cilën fliste edhe me kamera një tjetër numër i ka shkruar duke iu prezantuar si Gramoz ku edhe ai pretendohet se kokaina e marrë nga Astrit Prenga është e tij.
Sipas dëshmisë së gjatë të Prengës, pasi policia ka ndërhyrë në kompleksin Golden në Shijak, nga ai moment ai ka ndërprerë komunikimet me të gjithë personat që kishte folur. Që nga mosha 13 vjeç, thotë dëshmitari, ai është larguar nga Shqipëria dhe është shpërngulur në Britani.
