Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
AKTUALITET
Vendimi/ Ja pse GJKKO vendosi masa të ashpra ndaj Ballukut: Po hetohet për afera të tjera
PiranjatPërditësimi i fundit 23 Nëntor 2025, 11:43
Gjykata e Posaçme (GJKKO) ka publikuar arsyetimin e saj lidhur me masat e sigurisë të vendosura për numrin dy të qeverisë Rama, Belinda Ballukun dhe vartësit e saj. Në dosje GJKKO sqaron se po vijon hetimet për veprimtarinë e të pandehurve Ballukut dhe drejtorëve të saj, Gentian Gjylin e Erald Elezin.
Masat e vendosura ndaj Ballukut për ndalim të ushtrimit të detyrës dhe marrjen e pasaportës, u vendosën, pasi sipas GJKKO-së dyshohet se zv.kryeministrja mund të jetë përfshirë edhe në afera të tjera, përvecc dy tenderave galopantë, ai i Tunelit të Llogarasë dhe Unaza e Madhe.
Gjykata vlerëson se ekziston rreziku që Balluku të arratiset nga vendi, duke iu referuar dënimeve të parashikuara nga ligji dhe peshës së veprave penale që atyre u atribuohen në këtë fazë të hetimit.
Po ashtu, sipas arsyetimit, ekziston rreziku që Balluku të përsërisë të njëjtat vepra penale nëse vazhdon të qëndrojë në detyrë, pasi dhe më herët duke shfrytëzuar detyrën, ka keqpërdorur, fondet publike.
Në pjesën që i referohet Ballukut, GJKKO thekson se, “bazuar në kriteret ligjore, Gjykata ka vlerësuar domosdoshmërinë e caktimit të masave të sigurisë për të garantuar mbarëvajtjen e hetimeve”.
Sipas Gjykatës, masat e sigurisë janë konsideruar të nevojshme për të shmangur mundësinë e ndërhyrjes në procesin hetimor, duke iu referuar edhe detyrimeve që lindin nga procedura penale për raste të kësaj natyre.
Në përfundim, GJKKO deklaron se vendimet janë marrë në përputhje me rrethanat e çdo personi të përfshirë në çështje dhe me nevojën për të garantuar zhvillimin e pandikuar të procedimit penal./piranjat.news
