Kryeministri Edi Rama po zhvillon një takim me drejtuesit e gjimnazeve, në një kohë kur protestat në Tiranë vijojnë prej di...
AKTUALITET
Vendimi për dëbimin e Irena Gjokës nga Greqia, "Protothema": Në listën e nongratave të Shengen, gjyqtarja që dënoi Belerin
n.fPërditësimi i fundit 6 Maj 2024, 22:50
Irena Gjoka
GREQI- Gazeta greke, ProtoThema ka botuar dy ditë më parë një artikull të detajuar në lidhje me gjyqtaren Irena Gjoka. Media greke e ka nisur artikullin me titullin: Në listën e nongratave të Shengen, gjyqtarja që dënoi Belerin.
Më tej artikulli nis me detaje se si gjyqtarja e Beleri u u përpoq të hynte në Greqi ilegalisht, dhe u dëbua nga zona Shengen.Media greke bëjnë me dije se për këtë arsye ajo është përjashuar nga Gjykata e Posaçme Kundër Krimit të Organizuar.
"Shohim datën e publicitetit, fakte ose elementë, që përfshijnë një nga anëtarët e treshes gjykuese të Fredi Belerit, e cila u përpoq të hynte në Greqi ilegalisht, dhe u dëbua nga zona Shengen. Ky fakt përbën edhe arsye për ta përjashuar nga Gjykata e Posaçme Kundër Krimit të Organizuar. Pra vërtetohet se një prej gjykatësve që dënoi Belerin, varej nga qeveria, e cila sigurisht ishte në dijeni të së shkuarës së saj," nis shkrimi i Protothema.
Vendimi i Gjykatës Administrative të Shkallës së Parë Athinë, trupa e 23-të, tre anëtarëshe, në seancën e datës 27 tetor 2004, vendim të cilin ne po e botojmë, gjykoi kërkesën e Irena Manekut, kërkesë për revokim mase të non gratës, kundër shtetit grek, për arsye se iu ndalua hyrja në Kakavijë.
Kjo gjyqtare quhet Irena Shpata si mbiemër i vajzërisë, por që nga viti 2011 përdor mbiemrin e bashkëshortit të saj të dytë, Gjoka. Ndërsa në atë kohë përdorte mbiemrin e bashkëshortit të saj të parë Maneku. Me bashkëshortin e saj të parë kishte tentuar të futej në Greqi me datë 24 dhjetor 2002, nëpërmjet pikës kufitare Kakavijë, duke përdorur një vizë të falsifikuar konsullore, përsa i përket afatit dhe duke u përpjekur të paraqitej si vorio epiriote. Pas këtij falsifikimi rmri i ssj u fut në listën e personave të padëshëruar të sistemit Shengen. Iu ndalua hyrja për 10 vite për arsye sigurie publike. Dhe të dhënat e saj së bsshku me shenjat e gishtave u depozituan në bazën përkatëse të të dhënave.
Pak muaj më vonë me 13 shkurt 2003, Irena Maneku u përpoq të futej sërish në Greqi nëpërmjet Kakavijës. Iu ndalua hyrja për arsye të sigurisë publike ngaqë figuronte në listën e të padëshiruarve të zonës Shengen dhe iu dha asaj shkresa përkatëse.
Menjëherë pas kësaj ajo iu drejtua Gjykatës Administrative të Shkallës së Parë Athinë, kundër vendimit të dëbimit. Me vendim të cilin ne e botojmë, kërkesa e saj iu dërgua, Gjykatës Administrative të Shkallës së Parë Janinë, e cila rrëzoi kërkesën e Manekut.
Në vitin 2019 Irena Maneku duke përdorur mbiemrin e bashkëshortit të saj të dytë, bëri kërkesë me emrin Irena Gjoka, për t’u bërë anëtare e Gjykatës së Posaçme Kundër Krimit të Organizuar dhe Korrupsionit. Për këtë gjykatë ka kritere ndaluese për këdo ndaj të cilit ka pezull një proces gjyqësor, ka një dëbim, ndalim hyrjeje në një vend të tretë si dhe regjistrim të emrit në bazën e të dhënave Shengen për probleme ligjore, shkuan media greke.
Irena Gjoka me gjithë historikun e saj të ‘pasur’ ia doli të bëhet gjyqtare e GjKKO, si nënkryetare me funksionet e kryetares. Duke mbajtur këtë pozicion që nuk do e merrte pa mbështetjen e qeverisë, asaj iu ngarkua gjykimi i çështjes së kryebashkiakut të zgjedhur të Himarës, Fredi Beleri, dënimin e të cilit e kishte paralajmëruar Edi Rama.
