VIDEO/ Dalin pamjet, shefi i Rrugores dhe i sektorit të Aksidenteve në policinë e Tiranës, pas urdhërarresteve të SPAK

zeka dhe novaku

TIRANË- Janë publikuar pamjet nga mbërritja e shefit të Qarkullimit Rrugor, Roven Zeka dhe Shefit të Sektorit të Aksidenteve, Sokol Novaku në Drejtorinë e Policisë së Tiranës. Prokuroria e Posaçme ka lëshuar tre urdhërarreste për Zekën, Novakun dhe Oficerin e Policisë Gjyqësore, Edison Tabaku, pasi dyshohen për kryerjen e veprës penale të korrupsionit.

Pak më herët u raportua se shefi i Rugores, kishte tentuar të arratisej por ishte ndaluar në flagrancë nga agjentët policorë. Ndërkohë gjithashtu, bëhet me dije se ka qenë një aksident që sjellë firmosjen e urdhërarresteve ndaj tyre. Sipas gazetares Klodiana Lala, bashkëshorti i një gruaje të përfshirë në aksident, identiteti i të cilëve nuk dihet, ka hyrë në komunikime me zyrtarët e qarkullimit.

Ai ishte në përgjim nga SPAK për një çështje tjetër. Nga përgjimet ka rezultuar se janë ofruar para për të mbyllur në favor të gruas çështjen. Pas këtyre përgjimeve, SPAK ka lëshuar urdhër arrest ndaj Zekës, Novakut dhe Tabakut. Zeka ka pretenduar se është i pafajshëm. Sipas informacioneve, Tabaku është prangosur ditën e djeshme.

roven zeka sokol novaku