Vapa përvëluese e këtij viti, sipas Kombeve të Bashkuara, është paralajmërim për katastrofën globale të klim&e...
AKTUALITET
VIDEO/ Festoi shkatërrimin e Gazës, organizatat kërkojnë largimin e Yoel Kaplan si kryerabin të Shqipërisë
I.APërditësimi i fundit 5 Shtator 2024, 15:03
TIRANË- Një video që përshkruan kryerabinin e Shqipërisë, Yoel Kaplan, duke festuar shkatërrimin në Gaza, është pritur me zemërim në vend. Kaplan, i cili është gjithashtu një oficer izraelit, u kthye në Izrael në 7 tetor pas sulmit të Hamasit në jug, i cili rezultoi në vrasjen e afro 1200 izraelitëve dhe të huajve. Që atëherë, më shumë se 40,000 palestinezë janë vrarë nga Izraeli dhe mbi 94,000 janë plagosur.
Videoja që shfaq Kaplan në Gaza u postua nga një faqe interneti e komunitetit hebre të hënën, por nuk është saktësisht e qartë se kur është marrë. Kaplan u emërua kryerabin nga qeveria shqiptare në vitin 2010, kundër dëshirës së komunitetit hebre të vendit. Në një letër dërguar The Jerusalem Post në 2011, anëtarët e komunitetit hebre të Shqipërisë deklaruan se refuzonin të njihnin autoritetin e Kaplanit.
“Ne të përjashtohemi plotësisht nga ky akt i paligjshëm dhe i pasaktë, i cili u krye në kundërshtim të plotë me traditat dhe parimet historike dhe fetare të kombit tonë”, thuhej në letër.
Nga popullsia e vogël e Shqipërisë prej vetëm 150 hebrenjsh, 34 kishin nënshkruar deklaratën kundër Kaplanit. Kritikët e Kaplan tani përfshijnë edhe aktivistë pro Palestinës, duke përfshirë organizatën Palestina e Lirë.
Duke folur për Middle East Eye, një zëdhënës i grupit shprehu “ndinjatën e thellë që kryerabini i Shqipërisë ka veshur uniformën e ushtrisë izraelite dhe po merr pjesë aktive në gjenocidin kundër popullit palestinez.
Aktivistët brenda lëvizjes i bënë thirrje kryeministrit të vendit, Edi Rama, që të heqë menjëherë Kaplanin nga çdo detyrë fetare ndaj komunitetit hebre në Shqipëri dhe ta shpallë atë persona non grata.
Palestina e Lirë i bëri thirrje edhe komunitetit hebre të Shqipërisë që t'i bashkohet dënimit të Kaplanit.
“Veprime të tilla jo vetëm që njollosin pozitën e një lideri fetar, por edhe komprometojnë imazhin e Shqipërisë, një vend që historikisht ka qëndruar kundër shtypjes dhe në favor të të drejtave të njeriut. Veprimet e kryerabinit vijnë në një kohë kur Gjykata Ndërkombëtare e Drejtësisë (GJND) ka vendosur se prania e vazhdueshme e Izraelit në territoret e pushtuara palestineze është e paligjshme dhe duhet t'i jepet fund," tha zëdhënësi
Sipas Shtabit Botëror të Chabad Lubavitch, një lëvizje hebraike me bazë në Nju Jork, Kaplanit iu dha titulli i ambasadorit nderi nga Republika e Kosovës në vitin 2020. Ai shërben gjithashtu si përfaqësues i lëvizjes në komunitetin hebre të Selanikut në Greqi.
Chabad Lubavitch është një organizatë hebreje e njohur për promovimin e praktikave dhe edukimit ortodoks hebre në mbarë botën. Para luftës në Gaza, Kaplan ishte pjesë e një ekipi kërkim-shpëtimi të dërguar nga Izraeli në Turqi për të ndihmuar në shpëtimin e njerëzve të bllokuar nën rrënoja pas një tërmeti vdekjeprurës që goditi zonën kufitare Turqi-Siri në shkurt 2023.
"Jo vetëm si rabin, por edhe si pjesëtar i familjes, e ndjeva se ishte detyra ime të ndihmoja popullin turk," tha ai në atë kohë.
