Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
VIDEO/ Momenti kur kaloi Vettingun, çastet prekëse të Astrit Kalasë me familjen e tij që shpërthyen në lot gëzimi
PiranjatPërditësimi i fundit 10 Tetor 2025, 12:01
Gjyqtari Astrit Kalaja, i cili u qëllua për vdekje në sallën e gjykatës së Apelit në Tiranë, ishte një magjistrat me përvojë mbi 3 dekada në sistemin e drejtësisë në vend.
Kalaja e kaloi Vettingun në vitin 2019, ndërsa KPA-ja e konfirmoi në detyrë në janar të vitit 2022.
Pavarësisht konfirmimit të tij, komisioneri publik kërkoi shkarkimin e Kalasë nga detyra, pasi pretendonte se gjyqtari nuk ka bërë deklarimin e mjaftueshëm të një apartamenti, e të një sipërfaqe toke.
Voxnews ka siguruar një video prekëse të momentit kur gjyqtari Astrit Kalaja kalon vettingun dhe shpërthen në lot së bashku me familjen e tij.
Astrit Kalaja i lindur në qytetin e Shkodrës, ai u diplomua në vitin 1993 në fakultetin e drejtësisë. Pasi përfundoi studimet me titullin “jurist’’ u emërua si gjyqtar në gjykatën e Shkodrës.
Më herët ai ka mbajtur përkohësisht edhe postin e kryetarit në detyrë të gjykatës së Shkodrës. Që prej diplomimit deri në qershor të vitit 2004, punoi si gjyqtar në Shkodër.
Më pas deri në janar 2023, ishte në Gjykatën e Apelit në Shkodër dhe prej më shumë se dy vitesh, shërbente ne Gjykatën e Apelit në Tiranë.
Kujtojmë se Astrit Kalaja u zgjodh edhe anëtar në Kolegjin Zgjedhor tre herë radhazi. Astrit Kalaja lindi në Shkodër dhe u diplomua në vitin 1993 në fakultetin e Drejtësisë.
Ngjarja tragjike ndodhi rreth orës 15:40, kur autori, i identifikuar si Elvis Shkambi, ka shtënë me armë zjarri në drejtim të gjyqtarit, i cili u transportua menjëherë tek Spitali i Traumës, ku mbërriti i pajetë./Voxnews
