Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
Vrasja dhe zhdukja e trupit të Jan Prengës, Dritan Rexhepi nuk paraqitet në seancë, paraqet ‘listën’ me kërkesa nga burgu
E.DPërditësimi i fundit 3 Shkurt 2025, 14:56
TIRANË- Dritan Rexhepi, i akuzuar për rrëmbimin dhe zhdukjen e Jan Prengës, nuk është paraqitur ditën e sotme në seancë. Bëhet e ditur Rexhepi ka kërkuar të përfaqësohet nga avokatja e tij. Avokatja e Rexhepit tha se klienti i saj nuk është paraqitur pasi duhet të shoqërohej ditën e premte nga paraburgimi i Fierit në drejtim të paraburgimit 313. Gjithashtu avokatja ka kërkuar nga gjykata që të caktohen seancat ditë tjetër me përjashtim të ditës së hënë dhe të premte.
Ndërkohë SPAK ka paraqitur provat shkresore gjithsej 13 faqe. Njollat e gjakut të gjetura në vendin e ngjarjes janë krahasuar me ADN e nënës së Jan Prengës dhe rezultojnë të përputhshme. Po ashtu gjatë hetimeve janë paraqitur prova të pamjeve filmike të cilat janë marrë nga disa biznese. Nëpërmjet pamjeve filmike është bërë e bërë e mundur ndjeka e inteneratit. Nëpërmjet këtyre pamjeve provohet se viktima është mbajtur nën vëzhgim disa ditë përpara ngjarjes në mënyrë që të bëhej rrëmbimi. Automjeti Land Rover i autorëve të dyshuarve, kanë ndjekur automjetin e viktimës. Konkretisht në datën 15,16 dhe 17 janar.
Jan Prenga u rrëmbye në 17 janar 2020 dhe ende nuk ka asnjë gjurmë nga trupi i tij. Sipas Policisë autorët e rrëmbimit janë familja Hajri në Shijak dhe grupi i Dukagjinit në Shkodër. Në krye të dy grupeve dyshohet se është Gramoz Rexhepi i cili ka qenë porositësi i rrëmbimit për një sasi prej 260 kilogram kokainë që u vodh nga Astrit Prenga, Gëzim Shullani, Xhuliano nga Shkodra dhe një rumun në portin e Smuthit në Angli. Droga doli nga porti, dhe u nda mes të katërtve dhe pas disa ditësh grupet nisën të kërkonin kokainën. Gentian Doçi telefonoi Astritin dhe Gëzimin, ndërsa Gramoz Rexhepi, vëllain e Prengajve, Ndrekën i cili ndodhej në burg.
