Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
AKTUALITET
Vrasja e gjyqtarit Astrit Kalaja/ Dalin para gjykatës, nën masa të rrepta sigurie Elvis dhe Gjon Shkambi
PiranjatPërditësimi i fundit 9 Tetor 2025, 08:25
Elvis dhe Gjon Shkambi dhe Banush Koxhaj janë paraqitur sot para Gjykatës së Tiranës, nën masa të rrepta sigurie, në lidhje me ngjarjen e rëndë të ndodhur më 6 tetor në Gjykatën e Apelit të Tiranës, ku një sulm me armë tronditi institucionin e drejtësisë.
Gjon Shkambi është xhaxhai i Elvis Shkambit, i cili mesditën e 6 tetorit hyri i armatosur në ambientet e Gjykatës së Apelit dhe qëlloi me armë zjarri, duke vrarë gjyqtarin dhe plagosur dy persona të tjerë. Teksa Banush Koxhaj është roja i sigurisë së Gjykatës së Apelit, që akuzohet se nuk u ka kryer kontroll fizik autorit të vrasjes dhe xhaxhait të tij edhe pse dedektori sipas deklaratës së policisë sinjalizoi që kishin mjet metalik me vete.
Ngjarja e rëndë ndodhi gjatë zhvillimit të një seance gjyqësore, ku për pasojë të plagëve të marra, gjyqtari humbi jetën brenda në sallën e Gjykatës së Apelit. Të plagosur mbetën babë e bir, Rakip dhe Ervis Kurtaj, palë në procesin gjyqësor që po zhvillohej.
Elvis Shkambi akuzohet për vrasje në bashkëpunim, ndërkohë që pjesë e hetimeve është bërë edhe punonjësi i sigurisë në Gjykatën e Apelit, Banush Koxhaj, i dyshuar për shpërdorim detyre në lidhje me lejimin e futjes së armës brenda institucionit.
