I ftuar në një intervistë në edicionin e mesditës në Syri TV, avokati Saimir Vishaj u shpreh se GJKKO-ja ka tejkaluar kompetenca...
AKTUALITET
Vrasja e Ilaria Sulës/ Dy miqtë e Mark Samson në lupën e hetuesve, ja si dyshohet se e kanë ndihmuar 23-vjeçarin pas kryerjes së krimit
r.llPërditësimi i fundit 9 Prill 2025, 10:35
autori dhe viktima
ITALI- Detaje të reja janë zbardhur lidhur me vrasjen e Ilaria Sulës në Itali. Nëna e autorit, Mark Samsonit mund të mos jetë e vetmja bashkëpunëtore e tij në vrasjen dhe transportin e trupit të 22-vjeçares shqiptare. Hetuesit e vrasjes së rëndë po hetojnë rolin e dy personave të afërt me 23-vjeçarin filipinez. Këta dy persona dyshohet se mund ta kenë ndihmuar në një ose më shumë faza të kryerjes së krimit në banesën e tij.
Versioni i dhënë nga vetë Samsoni, i cili nuk është i qartë në disa fragmente, për të mos përjashtuar përfshirjen e palëve të treta, ka bindur edhe hetuesit që të kryejnë hetime të mëtejshme.
Pse dy miqtë e Markut janë të dyshuar?
Sipas mediave italiane, ata mund të kenë ndihmuar Samsonin të transportonte trupin. Ose, ndoshta, për të hequr qafe celularin e Ilaria Sulës. Megjithatë, sipas dëshmive të filipinezit gjatë marrjes në pyetje, nuk mund të përjashtohet që ata të kenë luajtur një rol vendimtar në të paktën disa nga lëvizjet në rrjetet sociale që nisën nga celulari i vajzës në ditët pas krimit.
Miqtë e Mark Samsonit dhe celulari i Ilaria Sulës: Të gjithë hapat e dyshimtë
Prania e dy personave të tjerë dhe bashkëpunimi i tyre do të shpjegonte disa boshllëqe në rrëfimin e Samsonit për atë që ndodhi. Nëse, ai siç deklaroi vetë, vrau Ilaria Sulën mëngjesin e 26 marsit, mund të kishte përfituar nga bashkëpunimi i njerëzve të besuar për të lëvizur trupin, në një valixhe dhe dy çanta, nga banesa në makinë, të parkuar rreth njëqind metra larg shtëpisë, duke u përpjekur të kalonte pa u vënë re.
Për sa i përket misterit tjetër, celulari i Ilaria Sulës u vendos në zonën e Tor Marancia, në mbrëmjen e vonë të 1 prillit kur Samsoni u takua me të dy miqtë e tij, si zakonisht. Hipoteza, e cila më vonë kontribuoi në vërtetimin e arrestimit, është se Samsoni kishte marrë telefonin me vete.
Nga hetimet e mëtejshme, u zbulua se celulari i të resë ishte i lidhur jo vetëm me zonën ku ndodhet shtëpia e Samsonëve, por edhe me një pikë të dytë, e cila mund të përputhej me vendet më të frekuentuara nga njëri prej dy miqve.
Përpara hetimeve për dy djemtë që nuk janë regjistruar si të dyshuar dhe që tashmë po merren në pyetje nga hetuesit, hetimet janë fokusuar tek roli i nënës së Samsonit. Në kohën e krimit, babai me sa duket ishte në punë dhe për këtë arsye duket se nuk ka lidhje me vrasjen.
Nëna, nga ana tjetër, ishte në shtëpi. Në një marrje në pyetje fillestare, në të cilën ajo shpjegoi se nuk kishte simpati për ish të dashurën e djalit të saj, ajo tha se e kishte kaluar natën në gjumë dhe më pas kishte dalë jashtë. Disa ditë më vonë ajo hoqi dorë nga pozicioni i saj dhe pranoi bashkëpunimin: "Dëgjova një zhurmë nga dhoma dhe hyra brenda. E ndihmova djalin tim të pastronte gjakun."
