Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
AKTUALITET
Vrasja e Joy-t/ Mbërrin në Kenia letër-porosia nga Tirana, po hetohen disa celularë
PiranjatPërditësimi i fundit 3 Maj 2023, 10:58
Letërporsia e dërguar nga Prokuroria e Tiranës në Kenia për përcaktimin e vdekjes së 22-vjeçares Joy Ayokos ka mbërritur në shtetin afrikan.
Tashmë pritet që autoritet keniane të përcaktojnë shkaqet e vdekjes të së resë. Nga ana tjetër burime nga grupi hetimor, bëjnë me dije se edhe në Shqipëri, janë caktuar 3 ekspertë që po merren me zbërthimin e akt-ekpsertizës rreth dinamikës së ngjarjes dhe plagëve në trupin e kenianes.
Përfundimet e këtyre të fundit, me mbërritjen e përgjigjes nga shteti lindor i Afrikës, do të analizohen së bashku për të gjetur një version përfundimtar të ngjarjes. Hetuesit shqiptar po verifikojnë disa aparate celulare, mes të cilëve edhe ai i shtetasit Rodi Baçi, ish-shoferi i kazinosë ku punonte e reja.
Deri tani ende nuk konfirmohet përftimi i ndonjë elementi me vlerë dhe përcaktues nga kontaktet e viktimës me persona të dyshimtë të përfshieë në ngjarje. Ndërkohë, lidhur me shoqërimin e disa personave disa ditë më parë, kur përveç Baçit, janë pyetur edhe disa shokë të tij, mësohet se qëllimi ka qenë për të ndeshur gjatë marrjes në pyetje ndonjë element të dyshimtë apo kontradiktor që mund ti çonte hetuesit drejt një piste konkrete për ngjarjen.
Pavarësisht insistimit për disa orë, asnjë prej tyre nuk ka shfaqur kontradita apo të ketë ngjallur dyshime se mund të kenë dijeni, arsye për të cilën edhe janë lënë të lirë.
Burimet konfirmojnë, se pavarësisht mos përjashtimit të asnjë versioni, ata besojnë se Aoko ka rënë nga lartësia në vendin ku është gjetur, por shtojnë se është mjaft e vështirë të përcaktohet nëse është shtyrë, ka qenë incident nga pakujdesia e të resë apo veprim në kushtet e ekstremitetit që viktima ta ketë marrë vetë.
