Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
AKTUALITET
Vrau vajzën dy muaj më parë në Tiranë, arrestohet në Liban babai i Rayan Alwan, pritet ekstradimi i tij në Shqipëri
n.fPërditësimi i fundit 23 Prill 2025, 11:33
TIRANË- Autori i vrasjes së 24-vjeçares palestineze, Raya Alwan është vënë në pranga dy muaj pas ngjarjes së rëndë që tronditi Tiranën. Policia përmes një njoftimi ka bërë më dije se 49-vjeçari, Fadi Alwan u vendos në pranga në Liban.
Arrestimi i tij është zhvilluar me qëllim ekstradimin e tij në Shqipëri. Autori vrau vajzën e tij 2 muaj më parë në një apartament në rrugën “Gjon Muzaka”. Gjykata e Tiranës, i ka caktuar 49-vjeçarit masën e sigurisë “Arrest në burg”, për veprën penale “Vrasja për shkak të marrëdhënieve familjare". Vijon bashkëpunimi ndërmjet strukturave të Interpolit, për të finalizuar procedurën për ekstradimin e tij në Shqipëri.
Policia e Shtetit Akuzohet se vrau me mjet prerës, vajzën e tij, rreth 2 muaj më parë, në një apartament në rrugën “Gjon Muzaka”, arrestohet në Liban, me qëllim ekstradimin në Shqipëri, 49-vjeçari palestinez.
Në vijim të hetimeve të thelluara të kryera nga strukturat e Drejtorisë Vendore të Policisë Tiranë, dhe si rezultat i komunikimit të vazhdueshëm me strukturat homologe në Liban, nëpërmjet Interpol Tiranës dhe Interpol Beirutit, u kap në Liban, me qëllim ekstradimin në Shqipëri, shtetasi palestinez, F. A., 49 vjeç.
Gjykata e Shkallës së Parë e Juridiksionit të Përgjithshëm Tiranë, i ka caktuar këtij shtetasi, masën e sigurisë “Arrest në burg”, për veprën penale “Vrasja për shkak të marrëdhënieve familjare". Nga hetimet e deritanishme, dyshohet se shtetasi F. A., në shkurt 2025, në një apartament në rrugën “Gjon Muzaka”, Tiranë, ka vrarë me mjet prerës, vajzën e tij, shtetasen R. A.. Vijon bashkëpunimi ndërmjet strukturave të Interpolit, për të finalizuar procedurën për ekstradimin e këtij shtetasi, në Shqipëri.
Trupi i pajetë i palestinezes u gjet më datë 27 shkurt në një banesë të marrë me qira në rrugën e Kavajës ndërsa autori i dyshuar është 49-vjeçari, Fadi Alwan. Palestinezët rezultojnë të kenë aplikuar për azil në Gjermani jo shumë kohë më parë. Ata mësohet se jetonin në Gjermani. Në vendin tonë ata kanë mbërritur më 19 shkurt ku kanë udhëtuar nga Gjermania në Rinas.
Më tej bëhet me dije se te kontrolli i pasaportës në aeroport janë prezantuar me dokumente greke. Pas daljes nga aeroporti ata kanë rezervuar një taksi e cila i ka transportuar tek banesa ku ndodhi vrasja. Policia ka kqyrur kamerat e sigurisë në zonë dhe më datë 22 shkurt 49-vjeçari në pamje filmike shfaqet duke u larguar nga zona e rrugës së Kavajës dhe po më datë 22 shkurt është larguar në mbrëmje nga aeroporti i Rinasit në drejtim të Greqisë. Grupi hetimor ka dyshime që krimi ka ndodhur më datë 22 shkurt.
Dyshohet se 49-vjeçari fillimisht e ka dhunuar 24-vjeçaren dhe më pas e ka vrarë me thikë. Pas vrasjes ai e ka mbuluar trupin e pajetë me një çarçaf dhe më pas ka marrë të gjithë mjetet e identifikimit, telefonin dhe çdo send personal të 24-vjeçares dhe është larguar në drejtim të Greqisë.
