Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
AKTUALITET
"Wanted"/ Piranjat në kërkim të "përfaqësueses" së KQZ-së: Ka kryer një krim elektoral! Të identifikohet për ta kallëzuar në SPAK
n.fPërditësimi i fundit 9 Shkurt 2025, 11:09
Personi i prezantuar si përfaqësuese e KQZ-së
TIRANË- Emisioni "Piranjat" mbrëmjen e 7 shkurtit ka publikuar nje investigim tek i cili paraqitet se në takimet e Partisë Socialiste nëpër Greqi, ka punonjës të KQZ-së për të regjistruar emigrantët. Pas investigimit ka reaguar komisioneri i KQZ-së, Ilirjan Celibashi i cili u shpreh se KQZ nuk ka ofruar dhe nuk ofron asnjë lloj ndihme apo mbështetje për regjistrimin në terren. Kjo tregon se në takimet e Partisë Socialiste nëpër Greqi, ka zyrtarë të kësaj partie që prezantohen si punonjës të një projekti të KQZ-së për të regjistruar emigrantët.
Në vazhdën e këtyre reagimeve, Piranjat kanë dalë me një njoftim ndërsa kanë publikuar foton e personit që u prezantua si përfaqësuese e KQZ-së. Piranjat shkruan se personi me rreth të kuq është duke kryer një krim elektoral. Më tej në postim kanë bërë thirrje të shpërndahet njoftimi dhe të bëhet i mundur identifiki i personit në rreth të kuq, për ta kallëzuar më pas në SPAK, si organi kompetent për hetimin e krimeve zgjedhore.
NJOFTIM/ Personi në rreth të kuq është një person që i është prezantuar Piranjave si përfaqësuese e KQZ për të ndihmuar emigrantët në Greqi mbi aplikimin për të votuar. Komisionieri i KQZ, Ilirjan Celibashi sapo deklaroi se KQZ nuk ka asnjë përfaqësues jashtë Shqipërisë për këtë qëllim. Personi me rreth të kuq është duke kryer një krim elektoral. Kërkojmë nga ju, dhe nga mediat e tjera nëpërmjet shpërndarjes së këtij njoftimi, identifikim e personit në rreth të kuq, për ta kallëzuar më pas në SPAK, si organi kompetent për hetimin e krimeve zgjedhore. Ju lutemi shpërndajeni sa më shumë.
