Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
Zbulohet modeli i armës gjermane që Elvis Shkambi vrau gjyqtarin Astrit Kalaja në sallën e gjyqit (FOTO)
PiranjatPërditësimi i fundit 8 Tetor 2025, 18:49
Detaje të reja kanë dalë nga hetimet që po zhvillohen për zbardhjen e rrethanave të vrasjes së gjyqtarit të Apelit Tiranë, Astrit Kalaja.
Gazetari Elton Qyno, ka mësuar se autori kryesor i krimit, Elvis Shkambi, ka përdorur një armë prodhim Gjerman kalibër 7.65 mm të quajtur "Welt Waffen Broëning".
Gjatë marjes në pyetje Elvis Shkambi, ka treguar se armën kishte kohë që e posedonte dhe e mbante për qëllime vetëmbrojtje.
Pasi sipas rrëfimit të tij ai ka pasur konflikte dhe kërcënime në Shkodër, kërcënime këto që vinin nga banorët që i kishin zënë pronën familjes në lagjen "Skëndërbej".
I pyetur nga hetuesit se pse e kishte marë armën ditën e seancës gjyqësore, ai ka treguar se e kishte marë për qëllime vetëmbrojtje duke mos pranuar se ai ka pasur një plan të qartë për të vrarë gjykatësin e çështjes Astrit Kalaja.
Para oficerëve të hetimit të krimeve të rënda të Policisë së Shtetit dhe Drejtorisë së policisë Tiranë, Elvis Shkambi, ka treguar vrasjen e ka menduar aty për aty dhe ska pasur asgjë të planifikuar.
Sipas tij, në atë moment nuk është ndjerë mirë dhe ashtu e mendovi se duhet të qëllonte, ndaj nxori armën që kishte me vete dhe hapi zjarr ndaj gjyqtarit që lexoi vendimin.
Më tej ai ka vijuar në dëshminë e tij se situata i doli jashtë kontrollit dhe vijoi të qëllojë mbi gjyqtarin derisa ai nuk lëvizi më.
Ndërkohë pasi mbaroi punë me gjyqtarin Elvis Shkambi ka hapur zjarr dhe ndaj dy personave të tjerë, babë e bir.
30-vjeçari Shkambi ka hedhur poshtë përgjegjësinë e xhaxhait të tij në këtë çështje duke thënë se ai ska pasur asnjë dijeni dhe Gjon Shkambi nuk ka ndikuar fare tek ai për realizimin e vrasjes, pasi gjithçka ka qënë e momentit.
Ndërkohë policia ka kërkuar të marë dhe dëshminë e Gjon Shkambit, por ky i fundit ka rrefuzuar të dëshmojë në këtë fazë të hetimit.
Pritet që nesër nipi, xhaxhai dhe punonjësi i sigurisë së gjykatës së Apelit Tiranë, të dalin para gjykatës së Tiranës, për tu njohur me masën e sigurisë "arrest në burg".
Çështja në fjalë aktualisht po ndiqet nga kryeprokurori i Tiranës Arenc Çela dhe zv/drejtuesi i prokurorisë Ridvan Suka.
