Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
AKTUALITET
Zbulohet në mes të Tiranës magazina ku përgatitej kanabis dhe kokainë, arrestohen 5 persona
PiranjatPërditësimi i fundit 26 Shtator 2025, 10:40
Një magazinë që shërbente si pikë për fshehjen e lëndëve narkotike dhe përgatitjen e tyre për shitje në doza është zbuluar në Tiranë.
Policia bënme dije se operacioni i koduar "Warehouse" ka çuar në arrestimin e pesë shtetasve, të cilët dyshohen si pjesëtarë të një grupi kriminal që merrej me shpërndarjen e narkotikëve.
Njoftimi i policisë:
Operacioni policor i koduar “Warehouse” ka çuar në arrestimin e pesë shtetasve, të cilët dyshohen si pjesëtarë të një grupi kriminal që merrej me shpërndarjen e narkotikëve.
Gjatë kontrollit të ushtruar në një magazinë në rrugën “Myslym Keta”, në Tiranë, policia ka sekuestruar 9 kilogramë Cannabis Sativa, sasi kokaine, dy armë zjarri, dy armë të ftohta, dy automjete, gjashtë celularë dhe një sërë sendesh të tjera të kundërligjshme.
Shtetasit e arrestuar janë: Xh. Z. (25 vjeç), R. K. (21 vjeç), E. Gj. (37 vjeç), A. C. (22 vjeç), dhe A. K. (22 vjeçe), të gjithë banues në Tiranë. Ata janë kapur në flagrancë gjatë operacionit policor që u zhvillua bazuar në informacione të siguruara nga rrugë policore.
Në magazinën e shtetasit R. K., i cili ushtronte aktivitetin e prodhimit të paletave të drurit, u gjet një valixhe që përmbante 9 kg kanabis, si dhe një armë zjarri pistoletë. Hetimet paraprake dyshojnë se sasia e lëndës narkotike ishte transportuar nga Sukthi në Tiranë nga Xh. Z., në bashkëpunim me A. K.
Gjatë ndërhyrjes, policia ka gjetur edhe dy shtetas të tjerë, A. C. dhe E. Gj., të cilët ishin të pranishëm në magazinë. Gjatë kontrollit fizik të E. Gj., iu gjet një sasi e dyshuar lënde narkotike kokainë.
Më tej, gjatë kontrollit në banesën e Xh. Z., policia ka sekuestruar një tjetër armë zjarri pistoletë dhe dy armë të ftohta.
Hetimet për zbardhjen e rrethanave të plota të këtij aktiviteti kriminal vazhdojnë, ndërkohë që materialet procedurale i janë dërguar Prokurorisë për veprime të mëtejshme.
