Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
AKTUALITET
Zbulohet shtëpia e barit në Spanjë, në pranga tre shqiptarë (VIDEO)
E.DPërditësimi i fundit 29 Janar 2025, 17:47
SPANJË- Tre shqiptarë janë arrestuar në Spanjë, pasi autoritetet kanë zbuluar një magazinë kanabisi. Gjithashtu bëhet e ditur se janë sekuestruar më shumë se 32 kilogramë të kësaj lënde narkotike dhe 395 bimë në proces rritje. Tre shqiptarët të moshës 29 deri në 35 vjeç janë arrestuar si autorë të dyshuar të veprës penale të kultivimit dhe prodhimit të drogës dhe krimit të mashtrimit me energjinë elektrike.
Ky operacion është rezultat i hetimeve të ndjekura pas çmontimit më 30 nëntor 2024 të një qendre tjetër të ngjashme të prodhimit të marijuanës edhe në qytetin La Zubia. Pas arrestimit të një shtetasi lituanez, hetuesit e Gardës Civile të La Zubia zbuluan se ekzistonte një shtëpi tjetër në të cilën ata mund të kultivonin edhe marijuanë, i gjithë prodhimi i së cilës do të shkonte në vendet e Europës veriore.
Agjentët e La Zubia filluan të monitorojnë në mënyrë diskrete shtëpinë e fundit. Me ndihmën e teknikëve të Endesas, ata kryen një sërë matjesh në atë rrugë dhe konstatuan se shtëpia e dyshuar kishte një konsum prej 70 amperësh, një konsum energjie shumë më i lartë se ai i një shtëpie të vetme, një tregues i qartë për agjentët se në atë adresë mund të ketë një qendër të prodhimit të marijuanës. Gjatë kontrollit, Garda Civile zbuloi se në shtëpi banonin tre burra me kombësi shqiptare dhe se bodrumin e kishin pajisur me gjithçka që ishte e nevojshme për kultivimin “në ambiente të brendshme” të marijuanës.
