Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
Zgjedhjet në Kosovë/ Përfundon numërimi edhe në shtatë komuna tjera, LVV renditet e para
E.DPërditësimi i fundit 10 Shkurt 2025, 15:43
KOSOVË- Komisioni Qendror i Zgjedhjeve është duke vazhduar të procesojë të dhënat nga numërimi i votave për subjektet politike në të gjitha vendvotimet. Sipas rezultateve të fundit të KQZ-së (ora 13:09), deri më tani janë numëruar 93.25% e votave. Numërimi i votave më herët kishte përfunduar në dhjetë komuna: Drenas, Kamenicë, Obiliq, Malishevë, Junik, Mamushë, Zveçan, Ranillug, Partesh e Kllokot. Por nga rezultatet e fundit numërimi i votave ka përfunduar edhe në pesë komuna tjera.
Ferizaj është komuna e tjetër që ka përfunduar numërimi i të gjitha votave për subjektet politike. Sipas rezultateve të publikuara në uebfaqen e KQZ-së, në këtë komunë LVV ka dalë fituese me 50.97% apo 28 mijë e 673 vota. E dyta është renditur PDK me 27.76% apo 15 mijë e 619 vota. E treta është renditur LDK me 12.91% apo 7 mijë e 261 vota. Në vendin e katërt në këtë komunë është AAK-Nisma 3.12% apo 1 mijë e 757 vota.
Komuna e Fushë Kosovës
Numërimi i votave ka përfunduar edhe në Fushë Kosovë. Edhe në këtë komunë e para është renditur LVV me 45.75% apo 10 mijë e 471 vota. E dyta është renditur PDK me 20.23% apo 4 mijë e 629 vota. Në vendin e tretë është renditur LDK-ja e cila pavarësisht që qeverisë me këtë komunë nuk ka marrë rezultat të kënaqshëm. Ky subjekt ka marrë 19.40% apo 4 mijë e 440 vota. E katërta është Partia Liberale Egjiptiane 3.13% apo 717 vota.
KQZ ka njoftuar se edhe në komunën e Lipjanit ka përfunduar numërimi i të gjitha votave. Edhe në këtë komunë që qeveriset nga LDK, e para ka dalë Lëvizja Vetëvendosje. LVV ka marrë 38.07% apo 11 mijë e 242 vota. E dyta është LDK me 27.94% apo 8 mijë e 251 vota. Në vendin e tretë është PDK me 24.92% apo 7 mijë e 360 vota dhe e katërta është AAK-Nisma me 2.49% apo 735 vota.
Nga numërimi i votave në 96 vendvotime në qytetin e Vushtrrisë, partia e parë ka dalë LVV me 52.59% apo 17 mijë e 725 vota. E dyta është renditur PDK me 25.76% apo 8 mijë e 681 vota. Në vendin e tretë është LDK me 11.25% apo 3 mijë e 793 vota. Në këtë komunë Koalicioni për Familje është renditur i katërti me 3.24% apo 1 mijë 091 vota.
Rahoveci ka përfunduar numrin e të gjitha votave gjithashtu. Sipas rezultateve të publikuara nga KQZ, në këtë komunë LVV është e para me 38.82% apo 8 mijë e 175 vota. Në vedin e dytë është PDK me 20.44% apo 4 mijë e 305 vota. AAK-Nisma e treta me 18.10% apo 3 mijë e 811 vota. LDK është renditur e katërta me 14.67% apo 3 mijë 090 vota.
Përfundimi i numërimit të votave ka përfunduar edhe në Han të Elezit. Edhe në këtë komunë LVV prin dukshëm në rezultat në krahasim me partitë tjera. Partia e Kurtit ka marrë 50.14% apo 2 mijë e 022 vota, e dyta është PDK me 31.34% apo 1 mijë e 264 vota. E treta është LDK me 10.14% apo 409 vota dhe AAK-Nisma e katërta me 4.46% apo 180 vota.
Përfundimi i numërimit të votave ka përfunduar edhe në Han të Elezit. Edhe në këtë komunë LVV prin dukshëm në rezultat në krahasim me partitë tjera. Partia e Kurtit ka marrë 50.14% apo 2 mijë e 022 vota, e dyta është PDK me 31.34% apo 1 mijë e 264 vota. E treta është LDK me 10.14% apo 409 vota dhe AAK-Nisma e katërta me 4.46% apo 180 vota.
Komuna e Dragashit gjithashtu ka përfunduar numërimin e të gjitha votave. Lëvizja Vetëvendosje edhe në këtë komunë ka arritur të marr rezultat më të lartë. LVV ka marrë 26.39% apo 2 mijë e 873 vota, e dyta është PDK me 23.41% apo 2 mijë e 549 vota. Në vendin e tretë dhe katërt renditet LDK me 23.03% apo 2 mijë e 507 vota dhe Jedinstvena Goranska Partija 8.96% apo 976 vota.
