Sulm i drejtpërdrejtë/ Ekzekutohen në qendër të qytetit sekretarja dhe këshilltari i kryebashkiakes së Meksiko City

SHBA- Sekretarja dhe këshilltari i kryetares së bashkisë së Meksiko City janë qëlluar për vdekje nga persona të armatosur që udhëtonin me motoçikletë në një pjesë qendrore të qytetit. Kryetarja e bashkisë Clara Brugada e quajti vrasjen e sekretares së saj personale Ximena Guzmán dhe këshilltarit José Muñoz një sulm të drejtpërdrejtë. Brugada tha në një deklaratë se sulmi ndodhi në lagjen Moderna. Autoritetet po hetonin motivin dhe po kontrollonin pamjet e kamerave për të identifikuar sulmuesit, tha ajo në një deklaratë.

“Nuk do të ketë pandëshkueshmëri. Ata që janë përgjegjës do të arrestohen dhe duhet të përballen me drejtësinë”, shtoi Brugada.

Brugada mban postin e dytë më të fuqishëm politik në vend pas presidentes Claudia Sheinbaum. Shefi i policisë së Meksikos, Omar García Harfuch, tha në një postim në rrjetet sociale: “Na vjen shumë keq për humbjen e kolegëve tanë… Nuk do të lejojmë që ky sulm frikacak të mbetet i pandëshkuar.”

Vetë Harfuch ishte shënjestra e një atentati të mëparshëm në vitin 2020, kur persona të armatosur nga karteli Jalisco New Generation i zunë pritë makinës së tij në qendër të qytetit . Ai u qëllua tre herë tre persona u vranë. Sulmi ndodhi në një nga pjesët më luksoze të Avenida Paseo de la Reforma, një bulevard prej 9 miljesh që kalon diagonalisht nëpër kryeqytetin e ekonomisë së dytë më të madhe të Amerikës Latine.

Gjatë konferencës së saj të përditshme për shtyp, Sheinbaum e cila shërbeu si kryebashkiake e Meksikos përpara se të fitonte presidencën vitin e kaluar tha se autorët po udhëtonin me motoçikletë. Politikanët meksikanë dhe ndihmësit e tyre shpesh janë shënjestruar nga krimi i organizuar, por incidente të tilla janë relativisht të rralla në kryeqytet, i cili ka mbetur relativisht më i qetë se shumë zona të vendit.

“Është një incident i mjerueshëm dhe ne do t’i japim gjithë mbështetjen që mund t’i nevojitet kryetares së bashkisë”, shtoi presidentja.