Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
BOTA
Sulm me thikë në një shkollë fillore në Zagreb/ Humb jetën një 7-vjeçare, 6 persona u plagosën, arrestohet autori 18-vjeçar
ZH.LLPërditësimi i fundit 20 Dhjetor 2024, 15:38
vendngjarje
KROACI- Një vajzë 7-vjeçare u vra ndërsa një mësues dhe pesë nxënës të tjerë u plagosën në një sulm me thikë në një shkollë në kryeqytetin kroat Zagreb të premten, thanë autoritetet, raporton Euronews.
Sulmi ka ndodhur në orën 09:50 në shkollën fillore Preçko në lagjen me të njëjtin emër.
Ministrja e Shëndetësisë Irena Hristiç tha se sulmuesi ishte një i ri mbi 18 vjeç, ndërsa mediat raportuan se ai ishte 19 vjeç.
Sulmuesi, i cili kishte veshur një veshje krejt të zezë, fillimisht sulmoi fizikisht një djalë në korridorin e shkollës dhe më pas hyri në një klasë të rastësishme ku kreu sulmin me thikë, sipas raportimeve të mediave.
Fëmijët e lënduar janë evakuuar në spitale të ndryshme në Zagreb. Mësuesja dhe një nga nxënësit e plagosur mbeten në terapi intensive. Sulmuesi tentoi të kryente vetëvrasje në një dhomë të urgjencës aty pranë, ku u largua pas sulmit. Raportohet se ai është penguar nga policia, e cila e ka arrestuar.
Kryeministri Andrej Plenkoviç tha në fillim të seancës së qeverisë se është "i tmerruar" nga sulmi dhe se autoritetet ende po punojnë për të përcaktuar saktësisht se çfarë ka ndodhur. Plenkoviç tha se disa fëmijë janë dërguar në spitale të ndryshme në Zagreb.
Sulmet në shkolla janë të rralla në Kroaci. Majin e kaluar, një adoleshent në Serbinë fqinje hapi zjarr në një shkollë në kryeqytetin Beograd, duke vrarë nëntë bashkënxënës dhe një roje shkolle.
