I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
BOTA
Shkencëtarët identifikojnë një klasë krejtësisht të re organizmash brenda trupit të njeriut, çfarë janë obeliskët?
n.fPërditësimi i fundit 20 Dhjetor 2024, 11:25
Foto ilustruese
ANGLI- Sa herë që mendojmë se dimë gjithçka rreth funksionimit të trupit të njeriut, del një zbulim i ri dhe i papritur. Një ekip studiuesish ka identifikuar një klasë krejtësisht të re organizmash të quajtur "obeliskë" që jetojnë brenda trupave të njeriut ndërsa tani kanë kaluar nën "radarin" e shkencëtarëve.
Kreu i studiuesve të këtij zbulimi madhështor ishte profesori i Universitetit të Stanfordit, Andrew Faier, i cili është vlerësuar me Çmimin Nobel në Mjekësi. Biologu Ivan Zheludev i Universitetit të Stanfordit dhe kolegët e tij argumentojnë se mund të mos jenë fare viruse, por një klasë krejtësisht e re e jetës që mund të ndihmojë në tejkalimin e hendekut të lashtë midis molekulave gjenetike më të thjeshta dhe viruseve më komplekse.
Pse u quajtën "obeliskë"
Emri i tyre vjen nga strukturat e tyre shumë simetrike, cilindrike, të cilat formohen nga zinxhirët rrotullues të ARN-së. Këta organizma ndoshta kishin kaluar pa u vënë re për shkak të gjatësisë së tyre të shkurtër, rreth 1000 karaktere.
Përtej çështjes së origjinës së tyre, të gjithë obeliskët duket se përmbajnë udhëzime për një klasë të re proteinash që studiuesit i kanë quajtur oblins. Udhëzimet për krijimin e këtyre proteinave duket se zënë të paktën gjysmën e materialit gjenetik të obeliskut. Meqenëse këto proteina janë të zakonshme për të gjithë obeliskët, studiuesit dyshojnë se ato mund të përfshihen në procesin e riprodhimit të organizmit.
