Është hequr gardhi metalik që ishte vendosur para Kuvendit të Shqipërisë si barrikadë për të penguar protestë...
BOTA
9.5 ton kokainë e fshehur në arkat me banane në shtetin latin, ndalohet ngarkesa më e madhe në historinë e vendit
PiranjatPërditësimi i fundit 7 Dhjetor 2024, 14:49
REPUBLIKA DOMENIKANE- Republika Domenikane ka sekuestruar 9.5 ton kokainë në një ngarkesë banane. Autoritetet thonë se kjo është kapja më e madhe e drogës në historinë e vendit. Droga, me vlerë 250 milionë dollarë u gjet në një ngarkesë që mbërriti në Caucedo, porti kryesor detar i vendit, në kryeqytetin Santo Domingo. Gjithashtu ngarkesa ishte dërguar nga Guatemala dhe ishte e destinuar për në Belgjikë. Ndërsa dhjetë të dyshuar janë vënë në pranga nga autoritetet.
"Hetimet e hershme tregojnë se një kontejner me banane mbërriti nga Guatemala. Shumë individë të panjohur u përpoqën të transferonin drogën në një kontejner tjetër që do të dërgohej në një anije në Belgjikë," thuhet në njoftim.
Autoritetet e Republikës Domenikane kanë sekuestruar rreth 47 ton drogë deri më tani këtë vit. InSight Crime, një institut që analizon krimin e organizuar, ka thënë se konfiskimet rekord të bëra këtë vit sugjerojnë se Karaibet po rishfaqet si një rrugë kryesore trafikimi nga Kolumbia në Evropë, ku konsumi vlerësohet të jetë më shumë se dyfishuar midis 2011 dhe vitit të kaluar.
"Ndërsa kërkesa rritet, trafikantët po shtojnë përpjekjet për ta përmbushur atë, duke iu kthyer Karaibeve si një kanal ideal për kontrabandën e kokainës në Evropë," tha InSight Crime në një analizë në fund të nëntorit, duke vënë në dukje se qendrat e mëdha të transportit domenikane ofrojnë mundësi të gjera për trafikantët.
