Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
BOTA
A do kthehet Thaçi në krye të PDK pas Hagës? Krasniqi: Prioritet është përfundimi i procesit të Hagës dhe lirimi i tyre
r.llPërditësimi i fundit 7 Shkurt 2025, 22:40
memli krasniqi
TIRANË- Kryetari i Partisë Demokratike të Kosovës, Memli Krasniqi ka rrëfyer se si ka qenë kjo forcë politike pa udhëheqësin historik të saj, Hashim Thaçin. Ai tha se mungesa e Thaçit gjatë zgjedhjeve të fundit të parakohshme, e gjeti partinë të papërgatitur.
Në intervistën për “Top Story”, Krasniqi shtoi se prioriteti është lirimi i tij dhe kthimi në atdhe dhe se gjatë mungesës së Thaçit, PDK nuk ka mbetur në vend, por ka kaluar në konsolidim, fuqizim dhe reformim.
Ka pasur një “tradhti” ndaj mbrojtjes së tyre apo jo? Domethënë PDK shkon në zgjedhje me një lloj mllefi ndaj kryetarëve të saj?
Krasniqi:Jo, zgjedhjet e kaluara kanë qenë më të rënda sepse zoti Veseli që ishte kryetar dhe zoti Thaçi që ishte ish-kryetar, zoti Krasniqi që ishte ish-sekretar bashkë me zotin Selimi, u morën dhe shkuan në Hagë dhe zgjedhjet e parakohshme ndodhën vetëm 3 muaj pas dhe nuk ishin të pritura. Kështu që ishte një situatë shumë e vështirë. Ndërkohë ne kemi kaluar në konsolidimin e PDK, ne fuqizimin e saj, në reformimin tonë. Kemi pasur një proces zgjedhor ku në kemi fituar numrin më të madh të komunave në fund të viti 2021 dhe kemi numrin më të madh të asamblistëve lokale. Mungesën e tyre e ndjejmë për arsye të ndryshme. Ajo çfarë ka munguar ka qenë mungesa e mbështetjes shtetërore sepse të gjithë çlirimtarët në Hagë janë ballafaquar me koston e mbrojtjes së tyre dhe qeveria nuk e ka kryer detyrës. Qeveria ka mbuluar vetëm një pjesë.
Dhe si e keni mbuluar këtë pjesë?
Krasniqi:Është mbuluar nga njerëz vullnet mirë gjithandej Kosovës, besoj edhe prej Shqipërisë dhe diasporës sonë.
Mund ta themi sa ka qenë kjo kosto?
Krasniqi:Nuk e di sepse nuk jam i përfshirë direkt tek pjesa e kostos sepse ka një pengesë për shkak të angazhimit politik, por mund të them se është shumë herë më e madhe se buxheti që është ndarë nga shteti.
Do ishte traumatike nëse ata do të kthehen dhe të kërkonin vendet e tyre udhëheqëse në parti?
Krasniqi: Kjo është një pyetje hipotetike, të cilave un shpesh herë hezitoj tu përgjigjëm sepse janë vetëm argumente teorike për ne dhe për ta. Por deri tani ka vetëm një fokus, përfundimi i procesit të Hagës dhe lirimi i tyre sepse absolutisht besojmë të gjithë që janë të pafajshëm dhe deri tani nga çfarë kemi përcjellë, aktakuza nuk dëshmon asgjë për përgjegjësitë e tyre në raport me ato që thuhen. Ky është prioriteti i tyre dhe i te gjithëve që janë dashamirë të zotit Thaçi, Veseli dhe shumë të tjerë.
