Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Tubimi i fundit elektoral i LVV në Prishtinë/ Kurti: Me qeverisjen tonë Republika e Kosovës u bë shtet solidar! U mbrojtën kufinjtë në veri
r.llPërditësimi i fundit 7 Shkurt 2025, 20:48
albin kurit
PRISHTINË- Lëvizja Vetëvendosja po zhvillon tubimin e fundit elektoral në sheshin "Skënderbej" në Prishtinë. Kryeministri Albin Kurti po mban fjalën para mijëra mbështetësve që kanë mbushur sheshin. Gjatë fjalës së tij, Kurti u shpreh se me qeverisjen në këtë mandat për herë të parë Republika e Kosovës u bë shtet solidar që kujdeset për të gjithë.
Më tej kryeministri tha se me këtë qeverisje u garanta lëvizja pa viza në Europë për Kosovën dhe gjithashtu u ruajt lëvizja e kufijve në veri të vendit. Në premtimet për mandatin e ardhshëm, kreu i LVV tha se do të jepen 1 miliardë për mbështetjen e prodhimtarisë vendase dhe po ashtu 1 miliardë euro do t'i jepen ushtrisë së Kosovë. Kurti tha se në mandatin e ardhshëm do të mundësohet rritja e pagës minimale në 500 euro.
Kurti:Në këtë mandat për herë të parë Republika e Kosovës u bë shtet solidar që kujdeset për të gjithë falë kësaj qeverie. Kjo qeveri u të gjithëve mundësi të barabararta dhe nuk la askënd mbrapa. Republika e pavarur me qeverisjen tonë të mirë e bëri Kosovë shtet të shumicë që po garanton dhe të drejtat e pakicës. Me ne lëvizim pa viza në Europë dhe nuk lëviz kufiri në veri. E diela e 9 shkurtit është referendum edhe për 4 vjetet e ardhshme, prandaj është referendum për ato që do bëjmë. 1 miliardë euro për prodhimtarinë, sepse duhet të prodhojmë që të punësojmë më shumë. Duhet të ulim importet dhe ti zevendësojmë ato. Duhet të rrisim ekonominë. Kjo do shoqërohet me mbledhjen e tatimit mbi vlerën e shtuar do ta zhvendosim nga kufiri në brendi të vendosim sikurse e kanë bizneset. Do heqim taksën doganore 10% për veturat nga BE. Do ta kemi transport publik anembanë Kosovës, ku me një biletë 10 euro në muaj do lëvizin cep me cep të vendit. 1 miliardë euro për ushtrinë e Kosovës në mandatin e ardhshëm. Do të mbrojmë veten dhe vendin tonë. Në fundit të mandatit të kemi 1 mijë gra dhe vajza në ushtrinë dhe Forcat Speciale të Kosovës. 500 milionë euro në infrastrukturë rrugore, Brezovicën do ta bëjmë destinacion turistik botëror jo vetëm në dimër por dhe në verë. Më Shqipërinë kemi unifikuar abetaren që në vitin 2021. Do të punësojmë gratë sa më shumë. Do të rrisim numrin e çërdheve. Do të rrisim me 100 euro shtese pensionet e gjyshërve që kujdesen për fëmijët nga mosha 1-3 vjeç. Paga minimale mandatin e ardhshëm do ta rrisim në 500 euro. Do të themelojme Fondin e Sigurimeve Shoqërore për mbulim të pagesës të pushimit të lehonisë, prindërimit apo humbjes së vendeve të punës. Do mbështeten studentët në nevojë, në varësi të vendit ku studiojnë. Ne rrisim mundesitë për gjithë. Do kemi bursa për studentë. Në këtë mandat kemi pasur 16 mijë bursa me 15 milionë euro. Do të modernizojnë termocentralin Kosova B dhe do të rehabilitojmë termocentralin Kosova A.
