Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
BOTA
A po shkon Libani drejt luftës sektare? Ushtria libaneze vë në jetë planet kundër Hezbollahut. Tensione në kabinetin qeveritar
PiranjatPërditësimi i fundit 5 Shtator 2025, 20:52
Kabineti i Libanit mirëpriti të premten një plan nga ushtria që do të çarmatoste Hezbollahun dhe tha se ushtria do të fillonte zbatimin e tij, pa përcaktuar një afat kohor për zbatimin e nismës.
Një përçarje kombëtare mbi çarmatimin e Hezbollahut ka zënë vend qendror në Liban që nga lufta shkatërruese e vitit të kaluar me Izraelin, e cila përmbysi një ekuilibr fuqie të dominuar prej kohësh nga grupi mysliman shiit i mbështetur nga Irani.
SHBA-të dhe Arabia Saudite, së bashku me kundërshtarët kryesisht të krishterë dhe sunitë të Hezbollahut në Liban, kanë shtuar thirrjet që grupi të dorëzojë armët. Por Hezbollahu është kundërpërgjigjur, duke thënë se do të ishte një hap i gabuar serioz të diskutohej edhe çarmatimi, ndërsa Izraeli vazhdon sulmet ajrore në Liban dhe pushton pjesë të mëdha territori në jug. Katër persona u vranë në sulmet izraelite të mërkurën.
Të premten, kabineti i Libanit u mblodh për tre orë, ku përfshihej edhe prezantimi i planit nga komandanti i ushtrisë Rodolphe Haykal. Të pesë ministrat shiitë të kabinetit u larguan nga seanca në shenjë proteste sapo Haykal hyri në dhomë.
Ministri libanez i informacionit, Paul Morcos, u tha gazetarëve pas seancës se qeveria e mirëpriti planin, por nuk tha se kabineti e kishte miratuar zyrtarisht atë. Ai tha se ushtria do të fillojë zbatimin e planit sipas aftësive të saj logjistike, materiale dhe të personelit, gjë që mund të kërkojë "kohë (dhe) përpjekje shtesë". Morcos tha se detajet e planit do të mbeteshin sekret.
Ministri i Punës, i lidhur me Hezbollahun, Mohammad Haidar, u tha mediave lokale përpara se seanca e kabinetit të përfundonte se çdo vendim i marrë në mungesë të ministrave shiitë do të ishte i pavlefshëm, pasi do të konsiderohej në kundërshtim me sistemin sektar të ndarjes së pushtetit në Liban.
