Një bombul gazi dyshohet se ka shpërthyer sot në një stacion karburanti në zonën e “Brrylit”, në Tiranë, n...
BOTA
Aksidenti tragjik hekurudhor në Spanjë, ministri i Jashtëm: Jashtëzakonisht i çuditshëm, shkaqet e panjohura
PiranjatPërditësimi i fundit 19 Janar 2026, 09:44
Një aksident i rëndë hekurudhor ka tronditur Spanjën pasditen e së dielës në rajonin e Andaluzisë, duke shkaktuar vdekjen e të paktën 39 personave dhe plagosjen e më shumë se 150 të tjerëve. Ministri spanjoll i Transportit, Óscar Puente, e cilësoi ngjarjen si “jashtëzakonisht të çuditshme”.
Sipas të dhënave të fundit të transmetuara nga RTVE, aksidenti ndodhi pranë Adamoth, kur vagonët e fundit të një treni Iryo, që udhëtonte nga Malaga drejt Madridit, dolën nga shinat. Për pasojë, një tren tjetër Renfe, që lëvizte në drejtim të kundërt, u përplas me ta, ndërsa edhe vagonët e parë të tij dolën nga shinat për shkak të forcës së përplasjes.
Nga 152 të plagosur, pesë ndodhen në gjendje kritike, 24 janë rëndë dhe të shtruar në spital, ndërsa 123 persona kanë marrë lëndime të lehta dhe të mesme. Pamjet televizive treguan skena kaosi, me trena të shkatërruar, dhjetëra ambulanca dhe ekipe shpëtimi që punonin për nxjerrjen dhe ndihmën e viktimave.
Ministri Puente deklaroi se shkaqet e aksidentit mbeten ende të panjohura dhe do të hetohen nga Komiteti i Pavarur i Hetimit të Aksidenteve Hekurudhore. Ai theksoi se treni Iryo ishte pothuajse i ri, vetëm katër vjeç, ndërsa linja hekurudhore ishte rinovuar plotësisht në maj 2025, në kuadër të një investimi prej 700 milionë eurosh. Po ashtu, vendi i aksidentit ndodhej në një segment të drejtë të linjës.
“Ky është një aksident jashtëzakonisht i pazakontë dhe ka tronditur të gjithë teknikët dhe ekspertët,” u shpreh Puente, duke shtuar se hetimi pritet të zgjasë të paktën një muaj, për shkak të kompleksitetit të rastit.
???? Vídeo | “Todo volaba, no te da tiempo a saber lo que había pasado. Hubo gente que falleció en el momento, mi compañero de al lado mía no sabía dónde estaba”, dice una pasajera afectada por el descarrilamiento de dos trenes en Adamuz (Córdoba) https://t.co/4BSYHAB4E0pic.twitter.com/jDZsFu25CI
