Pasuri me vlerë 77 milionë lekë janë vendosur nën sekuestro preventive në kuadër të hetimit të SPAK për traf...
BOTA
“Bëni fëmijë sa nuk është vonë!”-Franca u bën thirrje 29-vjeçarëve
PiranjatPërditësimi i fundit 9 Shkurt 2026, 19:53
Të gjithë shtetasit francezë 29-vjeçarë do të inkurajohen nga qeveria e tyre të bëhen prindër sa kohë që munden.
Zyrtarët e shëndetësisë thonë se qëllimi është të shmanget përballja e këtyre burrave dhe grave me probleme të fertilitetit më vonë, duke mos mbetur me mendimin: “sikur ta kisha ditur më herët”.
Kjo strategji është pjesë e një plani me 16 pika për të rritur normën e lindshmërisë në Francë, një nga shumë vendet perëndimore, përfshirë edhe Britaninë e Madhe, ku shifrat e lindjeve po bien ndjeshëm.
Ky trend po shkakton shqetësim për mënyrën se si qeveritë do të financojnë pensionet dhe kujdesin shëndetësor për popullsinë në plakje, në kushtet kur gjithnjë e më pak të rinj aktivë në tregun e punës paguajnë taksa.
Megjithatë, në nivel global, politikat për rritjen e lindshmërisë kanë dhënë rezultate të kufizuara, ndërsa kritikët e skemës franceze sugjerojnë se përmirësimi i strehimit dhe mbështetja për nënat gjatë shtatzënisë dhe lehonisë mund të jenë zgjidhje më efektive.
Përpjekja e qeverisë franceze për të përballuar rënien e lindshmërisë do të përfshijë dërgimin e “informacionit të synuar, të balancuar dhe të bazuar në shkencë” te të rinjtë, duke trajtuar çështje që lidhen me shëndetin seksual dhe kontracepsionin.
Materiali, sipas Ministrisë së Shëndetësisë së Francës, “do të theksojë gjithashtu se fertiliteti është një përgjegjësi e përbashkët mes grave dhe burrave”.
