Biden e vendos, anulon eventet pas orës 20:00 për të fjetur më shumë

SHBA- Presidenti amerikan Joe Biden u tha guvernatorëve demokratë gjatë një takimi në Shtëpinë e Bardhë sot se një pjesë e planit të tij në vazhdim është të ndalojë planifikimin e eventeve pas orës 20:00, në mënyrë që të mund të flejë më shumë. Njoftimi, i raportuar për herë të parë nga New York Times, erdhi pasi 81-vjeçari Biden u përpoq të siguronte një grup prej më shumë se 20 liderësh shtetërorë demorkatë për aftësinë e tij për të mposhtur ish-presidentin Donald Trump në nëntor dhe për të qeverisur në mënyrë efektive për katër vite të tjera.

Komenti la disa nga guvernatorët në dhomë të irrituar. Gjithashtu Shtëpia e Bardhë dhe kampi i Biden nuk kanë komentuar në lidhje me atë që tha presidenti në takimin e zhvilluar. E megjithatë, siç raportoi New York Times, "boshllëqet" e presidentit janë bërë më alarmante. Një burim me njohuri për këtë çështje tha se përgatitjet e Biden për debatin nuk filluan deri në orën 11:00 dhe se presidenti kishte kohë për të fjetur çdo ditë.

joe biden