Një zjarr shpërtheu pasditen e së dielës, 26 korrik në një zonë me bimësi të ulët në jug të Pylaia...
BOTA
Burri i ish-miss-t të vrarë bën deklaratën shokuese: I vura foshnjën në gji edhe pse kishte vdekur
PiranjatPërditësimi i fundit 29 Prill 2026, 21:36
Burri i një ish-mbretëreshe bukurie të vrarë pretendon se, pasi ajo u qëllua për vdekje, ai u përpoq të ushqente foshnjën e tyre duke e afruar te trupi i saj i pajetë.
Ndërkohë, autoritetet kanë nisur një kërkim të gjerë për një grua 63-vjeçare, Erika Maria Herrera, e cila dyshohet si autore e krimit. A
jo është parë në pamje filmike duke iu afruar 27-vjeçares Carolina Flores Gomez me një armë në dorë. Sipas dyshimeve, vrasja mund të ketë ndodhur për motive xhelozie, ndërsa hetimet vazhdojnë.
Carolina, një ish-Miss Teen Universe, u qëllua për vdekje në fytyrë, qafë dhe kokë më 15 prill, ndërsa prokurorët thonë se vjehrra e saj është e dyshuara kryesore. Bashkëshorti i saj, Alejandro, ka pretenduar se vendosi të qëndronte në shtëpi dhe të mos e raportonte menjëherë ngjarjen, sepse donte të ushqente foshnjën e tyre, sipas gazetarit të kronikës së zezë Carlos Jimenez.
Ai ka thënë se u përpoq ta ushqente foshnjën me gji – ashtu siç po bënte Carolina në atë moment – dhe më pas e lau, përpara se të telefononte avokatët e tij.
Vetëm ditën tjetër ai vendosi të njoftonte policinë. Ai gjithashtu ka pretenduar se kishte frikë që foshnja mund t’i merrej nga shërbimet sociale.
Nëna e Carolinës, Reyna Gómez Molina, e ka akuzuar Alejandron se e ka mbajtur trupin në shtëpi dhe ka vonuar njoftimin e policisë për t’i dhënë kohë nënës së tij që të arratisej. Hetuesit nuk i kanë konfirmuar këto pretendime.
Pamje tronditëse nga dita e vdekjes së Carolinës tregojnë dy gra duke hyrë në një dhomë, përpara se të dëgjohen të shtëna me armë dhe britma. /PiranjatNews/
