Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
POLITIKE
Bushati: Rama po vendos kufij ndaj drejtësisë, Brukseli e ka kuptuar
PiranjatPërditësimi i fundit 9 Shkurt 2026, 21:25
Gazetari Andi Bushati, i ftuar në Syri TV, ka deklaruar se qëndrimet e kryeministrit Edi Rama në lidhje me çështjen Balluku synojnë hapur vendosjen e kufijve ndaj drejtësisë.
Sipas Bushatit, për herë të parë që nga nisja e reformës në drejtësi, vërehet një përplasje e drejtpërdrejtë mes Ramës dhe Bashkimit Europian, e reflektuar në deklaratat diametralisht të kundërta mes qeverisë shqiptare dhe Komisionit Europian lidhur me imunitetin dhe pavarësinë e institucioneve të drejtësisë.
“Qëndrimet e Ramës janë në të njëjtën linjë që kur ka nisur çështja Balluku. Në ç’kuptim? Në kuptim që sot të gjithë e kanë të lehtë ta marrin vesh që nuk ishte as çështja e grushtit të shtetit, nuk ishte as kompetenca midis pushteteve, ishte një dëshirë e Ramës për t’i vënë kufij drejtësisë pas gjithë atyre kohëve. Dhe në këtë kuptim jemi të qartë. Këtë që kemi kuptuar ne dhe shumë shqiptarë, me sa duket më në fund e ka kuptuar dhe Brukseli. Në ç’kuptim e ka kuptuar Brukseli? Sot janë bërë dy deklarata paralele.
Ato që Rama bëri në Twitter dhe me deputetët e tij dhe ato që bëri Komisioni Europian. Po të analizosh radhë për vjedhë dhe fjalë për fjalë të dy tekstet, ëh kupton që ka diferenca themelore. Për shembull Rama thotë që çështja e imunitetit të Ballukut nuk është urgjente. Brukseli thotë imuniteti duhet trajtuar menjëherë. Rama nga ana tjetër lë të kuptohet qartë që ne nuk do ja heqim imunitetin Ballukut sepse tani meqë fabula e pezullimit ka rënë, njeriu nuk mund të marri, nuk mund të ndëshkohet për dy gjëra. Brukseli thotë, i tërheqim vëmendjen atyre që tentojnë të pengojnë gjykatat dhe prokurorinë.
Pra diferencat midis dy deklaratave janë goxha të dukshme dhe të qarta. Dhe po ta shikojmë në një këndvështrim tjetër, ndoshta është hera e parë që kur ka nisur reforma në drejtësi, që kemi qëndrime diametralisht të kundërta midis Ramës dhe Bashkimit Europian. Pra, ky është si të thuash lajmi i ditës. Kjo është çarja e madhe. Deri tani Rama e ka përdorur dhe keqpërdorur drejtësinë, nga të dënojë kundërshtarët politikë derisa dhe të spastrojë radhët e veta si rasti i Arben Ahmetaj, por ama, veprimet e dukshme, fjalorin publik, i ka pasur sinkron me Bashkimin Europian.
Nga sot e tutje ne kemi një thyerje. Pra, Rama nuk është më për sytë e perëndimorëve mbështetësi i kësaj reforme, që unë s’kam asnjë dyshim që është e keqe, por që këta perëndimorët deri tani na e shesin si histori suksesi. Dhe kjo është si të thuash momenti i parë ku ne vëmë re një çarje të Ramës me ndërkombëtarët përsa i përket reformës në drejtësi.” – tha Bushati.
