Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
BOTA
Debati presidencial/ Kremlini: Putin nuk e ndoqi, ishte tepër i zënë, por celebron "humbjen" e Biden
e. dPërditësimi i fundit 28 Qershor 2024, 16:30
SHBA- Kremilini tha pas debatit presidencia të Donald Trump dhe Joe Biden se presidenti i Rusisë Vladimir Putin ishte tepër i zënë për ta ndjekur debatin. Ndërkohë The Sun shkruan se presidenti aktual amerikan 81 vjeçar, mezi arriti të çonte deri në fund përballjen verbale 90 minutëshe me 78 vjeçarin Trump, me këtë të fundit që duket se doli më i avantazhuar. Kjo do të thotë se Putin do të mund të diktojë kushtet e tij për konfliktin brutal në Ukrainë teksa Perëndimi u shfaq pa një lider serioz. Gjithashtu Kremlini mundohej të mos i jepte rëndësi debatit që ka pushtuar mediat perëndimore, duke thënë se diktatori rus ishte tepër i zënë për të ndjekur përballjen.
“Mos mendoni se presidenti rus vendos zilen e orës për të ndjekur debatin presidencial në atë kohë, ky nuk ishte një event në axhendën e tij. Ne kemi shumë çështje që janë të rëndësishme për vendin tonë, dhe presidenti me këto gjëra merret. Debatet në Shtetet e Bashkuara nuk janë nga pikat më të larta të axhendës së tij. Por gjithsesi kemi ndjekur raportimet e mediave për debatet dhe do të thelloheni në detaje. Kjo është një çështje e brendshme e SHBA”, tha zëdhënësi i Moskës, Dmitry Peskov.
Shumë rusë besojnë se Donald Trump do të jetë një president më i favorshëm për vendin e tyre, duke ndaluar dërgesat e municioneve të Perëndimit për Kievin. Kjo shihet nga gëzimi i propagandistëve të Putin për performancën e dobët të Biden.
“Goja gjysmë e hapur, qepallat që nuk përplaseshin, dhe një fytyrë pa shprehje ky ishte Joe Biden para audiencës së miliona njerëzve. Këtyre i shtohej dhe dhe zëri i krisur, fjalët e gëlltitura dhe ngatërresat e vazhdueshme të shprehjes. Edhe më besnikët e CNN nuk kishin si ta justifikonin. Kreu i Shtëpisë së Bardhë nuk humbi ndaj Trump por ndaj vetes”, tha Valentin Bogdanov i rrjetit shtetëror rus në anglisht RT.
Ndëkohë një rrjeti tjetër pro-Kremlin, Pool No. 3 vinte në lojë Biden duke thënë se "kështu e pëson kur del në publik pa asistentë për një orë e gjysmë, e kuptojnë të gjithë cili je në të vërtetë. E thënë thjesht, SHBA mësoi se mbreti i tyre është lakuriq, prandaj dëgjojmë shpesh ulërima në kënetën e Uashingtonit. Të gjithë e kuptojnë se një konkurrent ka humbur prezencën e tij, ndërsa i dyti prezantohet vetëm për gallatë. Teorikisht të dy ata duhet të ishin eliminuar në primare, si për arsye shëndetsore dhe për skandalet e tyre. Por në praktikë asnjë nuk mund ta thotë hapur se ata nuk duhet të ulen në Shtëpinë e Bardhë”.
