Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
BOTA
Deklaratat e Trump për Groenlandën, Peskov: Rusia gjithashtu ka interesa strategjike kombëtare në Arktik!
n.fPërditësimi i fundit 9 Janar 2025, 17:59
Peskov
RUSI- Zëdhënësi i Kremlinit, Dmitry Peskov kur u pyet në lidhje me komentet e presidentit të zgjedhur të SHBA-së, Donald Trump, për blerjen e Groenlandës nga SHBA u shpreh se Rusia ka interesa strategjike kombëtare në Arktik. Trump, i cili merr detyrën si president më 20 janar, ka pranuar se nuk përjashton veprimet ushtarake ose ekonomike për të siguruar Kanalin e Panamasë dhe Groenlandën, si pjesë e një axhende më të gjerë ekspansioniste që ai ka nxitur që nga fitorja e zgjedhjeve presidenciale. Zgjedhjet e nëntorit në SHBA.
Trump gjithashtu hodhi idenë për ta bërë Kanadanë një shtet amerikan dhe premtoi të ndryshojë emrin e Gjirit të Meksikës në Gjirin e Amerikës. Rusia, e cila ka vijën bregdetare më të gjatë në Arktik tha se po monitoron nga afër zhvillimin e situatës.
"Arktiku është një zonë e interesave tona kombëtare, e interesave tona strategjike," vuri në dukje Dmitry Peskov.
"Ne jemi të interesuar të ruajmë atmosferën e paqes dhe stabilitetit në rajonin e Arktikut. Ne po ndjekim nga afër zhvillimin veçanërisht dramatik të situatës, megjithatë, tani për tani, falë Zotit, në nivel deklaratash”, shtoi ai.
Peskov vuri në dukje se përpjekjet e SHBA-së për të blerë Groenlandën, të cilat datojnë në shekullin e 19-të, janë biznes i SHBA-së dhe Danimarkës, por vuri në dukje se Evropa po reagon me shumë kujdes ndaj deklaratave të Trump.
“Evropa po reagon shumë me ndrojtje dhe sigurisht që është e frikshme të reagosh ndaj fjalëve të Trump, kështu që Evropa po reagon me shumë kujdes, modest, në heshtje, pothuajse në një pëshpëritje”, komentoi Peskov.
