Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
BOTA
Dekretohet ligji që kufizon mandatet e kryeministrit në Hungari, Orbanit i mbyllet dera e qeverisë
PiranjatPërditësimi i fundit 19 Qershor 2026, 19:06
Presidenti i Hungarisë, Tamás Sulyok, ka dekretuar zyrtarisht ndryshimin kushtetues që vendos një kufi maksimal prej tetë vitesh për ushtrimin e detyrës së kryeministrit, duke e bërë ligjin të hyjë në fuqi.
Me dekretimin e amendamentit, ish-kryeministri Viktor Orbán nuk do të ketë më mundësi të rikthehet në krye të qeverisë, pasi ai ka drejtuar vendin për rreth dy dekada, duke tejkaluar limitin e ri të përcaktuar nga Kushtetuta.
Ligji, i njohur jozyrtarisht si “Lex Orbán”, ishte miratuar më herët nga parlamenti hungarez me shumicë të gjerë votash dhe më pas iu dërgua presidentit për firmë. Edhe pse Sulyok kishte shprehur rezerva për ndikimin e mundshëm të kufizimit të mandateve mbi vullnetin e zgjedhësve, ai vendosi ta dekretojë pa e referuar në Gjykatën Kushtetuese.
Sipas autoriteteve hungareze, kufizimi i mandateve është pjesë e një reforme më të gjerë politike të promovuar nga kryeministri aktual Péter Magyar. Ai ka deklaruar se rregulli i ri do të zbatohet për të gjithë drejtuesit e ardhshëm të qeverisë, përfshirë edhe vetë atë.
Hyrja në fuqi e ligjit pritet të ndikojë ndjeshëm në skenën politike hungareze, ndërsa debati mes qeverisë, opozitës dhe institucioneve mbi drejtimin e vendit vijon të mbetet i ashpër.
Presioni ndaj kryeministrit britanik Keir Starmer po rritet brenda Partisë Laburiste, pasi ministrja e Transporteve, Heidi Alexander, i ka kërkuar t...
