“Dërgimi i trupave në mbështetje të Ukrainës”/ Macron përgënjeshtron raportimet: Pati një keqinterpretim, nuk u ngrit kurrë për asnjë sekondë kjo çështje

TIRANË- Në Tiranë u zhvilluar ditën e sotme Samiti i Komunitetit Politik Europian. Gjatë këtij samiti u diskutuan disa çështje të rëndësishme ndërsa fokusi ishte siguria. Kjo u theksua edhe gjatë konferencës për mediat të kryeministirit Edi Rama dhe homologia e tij, Mette Frederiksen të cilët u shprehen se riarmatimi i Evropës duhet të jetë një prioritet. 

Një tjetër temë që u diskutua ishte edhe lufta Rusi-Ukrainë teksa Frederiksen theksoi se duhet të shtohen sanksionet ndaj Rusisë pasi sipas saj nuk po shihet asnjë sinjal nga kjo palë për armëpushim.

Në lidhje me këtë samit u përhapen raportime se Europa mund të dërgojë trupa në mbështetje të Ukrainës. Kryeministrja italiane Giorgia Meloni ishte kundër kësaj ideje gjatë intervistave për mediat italiane, por menjëherë më pas ka ardhur reagimi i presidentit francez Macron, i cili tha se ka pasur një keqinterpretim. Sipas tij nuk u përmendën kurrë dërgimet e trupave në Ukrainë.

“Pati një keqinterpretim të bisedimeve të fundit në Kiev mbi luftën në Ukrainë, sepse diskutimet nuk përmendën kurrë dërgimin e trupave,” tha ai.

“Nuk u ngrit kurrë për asnjë sekondë çështja e dërgimit të trupave”, shtoi Macron. 

Ai theksoi se bëhet fjalë për arritjen e një armëpushimi nga Rusia, për ndërtimin e një paqeje të qëndrueshme me garanci sigurie për të cilat vendet, ekipet kanë punuar prej javësh dhe që janë të njohura për të gjithë.