Vapa përvëluese e këtij viti, sipas Kombeve të Bashkuara, është paralajmërim për katastrofën globale të klim&e...
BOTA
Dodik: Nesër do të propozojë ndarje paqësore të Bosnje-Hercegovinës
e. dPërditësimi i fundit 22 Maj 2024, 19:28
BOSNJE HERCEGOVINË- Presidenti i entitetit të Bosnje-Hercegovinës, Republikës Serbe, Milorad Dodik nuk ka argumente për politikën e tij të dështuar. Këtë ai e ka treguar sot në konferencën për media pas seancës në Gjykatën e Bosnjë-Hercegovinës, ku po gjykohet për mosbindje ndaj vendimeve të Përfaqësueses së Lartë. Dodik pa sukses tentoi ta fshehë nervozizmin e dukshëm duke fyer verbalisht shtetin dhe faktorë të ndryshëm ndërkombëtarë. Por e vetmja gjë që i ka mbetur është të urdhërojë ende ndjekësit e tij që ta ndjekin padiskutim.
Së pari, ai thotë se nesër në Srebrenicë, do të propozojë një ndarje paqësore të Bosnje dhe Hercegovinës. Natyrisht, ai synon t’ia drejtojë këtë kërkesë entitetit të Federatës së BiH. Ai insiston në këtë për të justifikuar narrativën e tij të gabuar se Bosnja dhe Hercegovina përbëhet nga entitete, kështu që sipas logjikës së tij, nëse diçka është krijuar, atëherë ajo mund të ndahet. Megjithatë, Dodikut e ka të qartë se kjo tashmë është një histori e konsumuar dhe se nuk ka asnjë ndryshim, sepse neni i parë i Kushtetutës së Bosnjë-Hercegovinës thotë se Republika e Bosnjë-Hercegovinës, emri zyrtar i së cilës tani e tutje është Bosnja dhe Hercegovina, vazhdon ekzistencën e saj ligjore sipas të drejtës ndërkombëtare si vend.
Prandaj, vazhdimësia është pikënisja që Dodiku e shpërfilli. Dhe kreu i SNSD-së është i vetëdijshëm se nuk do të marrë asnjë përgjigje për një ide të tillë. Por nga ana tjetër lind pyetja pse nuk shkëputet Dodiku nëse prej 18 vitesh kërcënon me një lëvizje të tillë. Ai nuk do të shkëputet sepse e di që një lëvizje e tillë është një rrugë drejt një humnerë politike. Por, duke përsëritur me zë të lartë të njëjtat fraza të vjetra, Dodik me mjeshtëri u bë viktimë e politikës së tij, duke shmangur përballjen me të vërtetën. Kësaj radhe me të vërtetën dhe faktet për gjenocidin në Srebrenicë.
Me rastin e votimit të nesërm të rezolutës për gjenocidin në Srebrenicë, Dodik kërcënon se do të ndryshojë klimën politike, duke thënë se asgjë nuk do të jetë më si më parë, duke i krijuar kështu vetes hapësirë në skenën politike, megjithëse i vetmi ndryshim real që do të ndodhë është përhapja globale e historisë dhe fakteve për gjenocidin në Srebrenicë. Është kjo e vërteta që shqetëson politikën e Dodikut.
