Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
BOTA
Drejt krijimit të "FBI-së" në BE/ KE propozon përmirësimin e Europolit në një agjenci policore evropiane: Do të luftojë kërcënimet hibride, krimin e organizuar dhe terrorizmin
r.llPërditësimi i fundit 1 Prill 2025, 18:34
foto ilustruese
BRUKSEL- Roli i Zyrës së Policisë Evropiane (Europol), do të zhvillohet më tej në mënyrë që ajo të bëhet një shërbim policor vërtet operacional brenda Bashkimit Evropian.
"Forcimi i rolit të Agjencisë Evropiane të Rojës Kufitare dhe Bregdetare (Frontex), agjencisë për bashkëpunimin gjyqësor në fushën e drejtësisë penale ndërmjet shteteve anëtare të BE-së (Eurojust) dhe Zyrës së Prokurorit Publik Evropian. Qasja e zbatimit të ligjit në të dhënat e koduara në aplikacione si WhatsApp dhe Signal.", këto janë pikat kyçe të draftit të Komisionit Evropian për Strategjinë Evropiane të Sigurisë së Brendshme, të paraqitur sot në Bruksel nga Zëvendëspresidentja Ekzekutive Henna Virkunen dhe Komisioneri për Çështjet e Brendshme dhe Migracionin Markus Brunner.
Sipas propozimeve të Komisionit Evropian, BE-ja duhet të jetë e gatshme të trajtojë kërcënimet hibride, veçanërisht në luftën kundër krimit të rëndë dhe të organizuar, në sigurinë kibernetike dhe shërbimet e reve dhe telekomunikacionit, si dhe në fushën e kërcënimeve kimike, biologjike dhe bërthamore.
Në këtë kontekst, ekzekutivi i BE-së argumenton se Strategjia Evropiane e Sigurisë së Brendshme ofron një përgjigje gjithëpërfshirëse ndaj sfidave të sigurisë së brendshme të BE-së, si kërcënimet hibride, krimi i organizuar dhe terrorizmi.
Drejt një "FBI-je evropiane"
Sipas Komisionit, forcimi i rolit të Europolit, pra Zyrës së Policisë Evropiane, konsiderohet i nevojshëm për të trajtuar më mirë trafikimin e emigrantëve të paligjshëm dhe terrorizmit. Në veçanti, kjo do të thotë forcimi i rolit të Europolit në hetimin e rasteve ndërkufitare, në shkallë të gjerë dhe komplekse që përbëjnë një kërcënim serioz për sigurinë e brendshme të blloku dhe bashkëpunim më të ngushtë me agjencitë e tjera të BE-së, në veçanti Eurojust-in dhe Zyrën e Prokurorit Publik Evropian, për të forcuar zbatimin e ligjit dhe bashkëpunimin gjyqësor.
Aplikacionet e enkriptimit të të dhënave dhe të dhënat personale
Komisioni do të paraqesë gjithashtu një udhërrëfyes që përcakton masat ligjore dhe praktike për të siguruar akses të ligjshëm dhe efektiv në të dhënat e koduara të ofruara nga disa aplikacione, një kërkesë kyçe si nga Europoli ashtu edhe nga disa autoritete policore kombëtare të 27 shteteve anëtare. Siç raporton në mënyrë karakteristike Komisioni Evropian, 85 % e hetimeve penale bazohen në informacione dixhitale dhe siç theksoi komisioneri Brunner, "policia dhe autoritetet e zbatimit të ligjit nuk kanë mjetet e nevojshme për epokën dixhitale".
Megjithatë, Komisioni nënvizon se çdo propozim i ri do të sigurojë të drejtat themelore të qytetarëve evropianë, në lidhje me privatësinë e komunikimit dhe aksesin në të dhënat personale.
