Ish-zëvendëskryeministrja Belinda Balluku është paraqitur këtë të martë në ambientet e Prokurorisë s...
BOTA
Duke nisur nga sot, Milano ndalon pirjen e duhanit në ambiente të jashtme dhe të brendshme! Gjoba nga 40-240 euro
ZH.LLPërditësimi i fundit 1 Janar 2025, 15:39
MILANO- Qyteti i njohur italian ka marrë një vendim të rëndësishëm në hyrje të vitit të ri 2025. Milano ka ndaluar në ambiente të jashtme dhe publike, pirjen e duhanit.
Ndalimi në mbarë qytetin hyn në fuqi duke filluar nga 1 janari në ndalimin më të rreptë deri më tani për pirjen e duhanit në kryeqytetin italian të modës, shkruajnë mediat e huaja.
Dhe ata që shkelin ligjet e reja mund t’i nënshtrohen gjobave që variojnë nga 40 deri në 240 euro. Zyrtarët lokalë thonë se masa zbatohet pëIr “të gjitha hapësirat publike, duke përfshirë rrugët”, por megjithatë ofron një përjashtim për “disa vende të izoluara”. Ata që pinë duhan në ato hapësira mund të pinë duhan jashtë, por duhet të mbajnë një distancë prej të paktën 10 metrash nga njerëzit e tjerë. Ndalimi është i fundit në një iniciativë të nisur në vitin 2021 që synon përmirësimin e cilësisë së ajrit të qytetit.
Zyrtarët thonë se motivi pas kësaj është mbrojtja e shëndetit të qytetarëve nga efektet e dëmshme të tymit pasiv të thithur nga joduhanpirësit në hapësirat publike, veçanërisht ato të frekuentuara nga fëmijët.
Ndalimi megjithatë nuk zbatohet për cigaret elektronike, më të njohura si vape ose e-cigare.
Milano është një nga qytetet më të ndotura të Evropës për sa i përket ajrit. Qendra e modës ndodhet në mes të luginës industriale të Po-së dhe gjithashtu përballet me sasi të larta të emetimeve të shkaktuara nga makinat dhe trafiku i tepruar rrugor.
