Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
BOTA
"E djathta ekstreme po troket në portat e pushtetit"/ Vjen reagimi i parë nga qeveria franceze: Asnjë votë nuk duhet të shkojë te Bashkimi Kombëtar
r.llPërditësimi i fundit 30 Qershor 2024, 22:43
gabriel attal
FRANCË- Kryeministri aktual Gabriel Attal po i drejtohet kombit nga Parisi pasi "exit poll"-et e para nxorën partinë Bashkimi Kombëtar të ekstremit të djathtë si kryesues në raundin e parë të votimit.
Kryeministri francez thotë se njerëzit kanë votuar masivisht dhe falënderoi ata që kanë votuar. Por ai paralajmëron se vendi duhet të ndalojë të djathtën ekstreme të fitojë një shumicë absolute.
"Mësimi që mund të mësojmë sonte është se e djathta ekstreme është në portat e pushtetit. Asnjëherë në demokracinë tonë situata nuk ka qenë kaq e dominuar nga e djathta ekstreme,"thotë ai.
“Unë do të doja të bëja një apel – asnjë votë nuk duhet të shkojë në Frontin Kombëtar”.
Attal i përket partisë qendrore të Rilindjes së Emmanuel Macron dhe u bë kryeministri më i ri francez në janar. Attal u bë një emër i njohur si zëdhënës i qeverisë gjatë pandemisë COVID dhe sondazhet e mëparshme sugjeruan se ai ishte një nga politikanët më të njohur të Francës. Por ai tani përballet me detyrën për të shpëtuar presidencën dhe lëvizjen politike të shefit të tij.
