E rëndë në Belgjikë, gjendet trupi i dekompozuar i një 56-vjeçareje në një dhomë hoteli pranë selisë së Komisionit Europian

foto ilustruese

BELGJIKË- Policia belge ka zbuluar ditën e sotme trupin e dekompozuar të një gruaje 56-vjeçare në një dhomë hoteli në Place Jean Rey, pranë ndërtesës Berlaymont ku ndodhet selia e Komisionit Evropian.

Gruaja ishte regjistruar në hotel më 26 dhjetor dhe dyshohet se ka humbur jetën po atë ditë. Sipas raportimeve, kur autoritetet zbuluan ngjarjen panë se trupi ishte në një gjendje të avancuar dekompozimi, duke lënë të kuptohet se ajo kishte vdekur disa javë më parë.

"Laboratori dhe mjeku ligjor shkuan në vendin e ngjarjes. Nuk ka indikacione për vrasje. Trupi i është dorëzuar familjes," i tha Het Nieuwsblad zëdhënësi i Prokurorisë Publike të Brukselit.

Ata konfirmuan se vdekja ishte e dyshimtë, por përjashtuan çdo mundësi se ishte vrasje. Shkaku i saktë i vdekjes mbetet i panjohur. Hetuesit po përpiqen gjithashtu të zbulojnë se si stafi i hotelit nuk e kishte vënë re situatën për një periudhë kaq të gjatë kohore. Menaxheri i hotelit nuk pranoi të komentojë, duke thënë vetëm se një hetim është në vazhdim.

belgjike