Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
BOTA
E rëndë në SHBA/ Treni përplas zjarrfikësen, 15 persona të plagosur (VIDEO)
PiranjatPërditësimi i fundit 29 Dhjetor 2024, 16:35
SHBA- Një tren i linjës Brightline është përplasur me një zjarrfikëse të shtunën në mëngjes (28 dhjetor 2024) në Delray Beach, Florida, duke lënduar tre zjarrfikës dhe 12 pasagjerë të trenit. Siç raportohet tre zjarrfikësit e plagosur nga Delray Beach u dërguan në një spital lokal, ku ndodhen aktualisht në gjendje të qëndrueshme shëndetësore.
From the Brightline Safety and Security Team: Railroad safety is a community wide effort. For everyone’s safety, never drive around crossing gates when they are down. pic.twitter.com/6TSeHHOuyq
Ndërsa dy prej zjarrfikësve fillimisht u raportuan në gjendje kritike, por gjendja e tyre u përmirësua. Përveç zjarrfikësve, 12 pasagjerë nga treni u dërguan në spital me lëndime të lehta, me ndihmën e ekipit të shpëtimit të zjarrit të Palm Beach County.
Aksidenti ndodhi rreth orës 10:45 paradite, në shinat e East Atlantic Avenue, pranë Railroad Avenue, sipas autoriteteve. Sipas Delray Beach Fire Rescue, zjarrfikësit ishin në rrugë për tu përgjigjur një thirrjeje kur ndodhi aksidenti.
“Pjesa e përparme e atij treni është copëtuar plotësisht, madje disa pjesë të kamionit të zjarrfikësve ishin të mbërthyer në pjesën e përparme të trenit, por ai e ndau makinën në gjysmë. Ai e ndau kamionin e zjarrfikësve përgjysmë dhe mbeturinat ishin kudo,” thuhet në deklaratë.
Gjithashtu një hetim aktiv mbi shkakun e përplasjes po drejtohet nga Departamenti i Policisë së Delray Beach, zyrtarët e Brightline dhe Bordi Kombëtar për Sigurinë e Transportit (NTSB). Autoritetet po hetojnë nëse portat e kalimit hekurudhor ishin funksionale në momentin e incidentit dhe ende nuk kanë konfirmuar detaje rreth shkakut specifik të aksidentit.
